Jaqynda Korol Hýan Karlos ýnıversıteti men Madrıd avtonomdy ýnıversıtetiniń zertteýshileri órt sóndirýshilerge úıdegi tótenshe jaǵdaılardy joıýǵa kómektesetin avtonomdy jer robotyn jasap shyqty, dep habarlaıdy Egemen.kz.
Robottar kóptegen tótenshe jaǵdaılar kezinde jaqsy kómekshi bola alady. О́ıtkeni olar qashyqtan basqarylady. Adamdardyń ómirine qaýip tóndiretin aımaqtarǵa bara alady.
Journal of Field Robotics basylymynda zertteýshiler usynǵan robottar órt kezinde qajetti málimetterdi jınap, tótenshe aımaqtarǵa kirýge jáne qaýipsiz jolmen evakýasııalaýǵa múmkindik beretini týraly aıtylǵan.
Zertteýshilerdiń biri Noelııa Fernandes Talavera: «Bul jumys jazataıym oqıǵalardyń jıiligin jáne qutqarý jumysynyń oryndalý ýaqytyn azaıtýǵa baǵyttalǵan HelpResponder jobasynyń bir bóligi. Ushqyshsyz ushý apparattary men jerdegi robottar naqty ýaqyt aralyǵynda derekterdi alý arqyly TJ brıgadalaryna kómektesedi», dedi.
Ispanııadaǵy órttiń shyǵý sebebin zertteıtin ortalyq órt sóndirýshilerge kómektesetin jańa tehnologııalardyń qajettiligin atap ótti.
Talavera men onyń áriptesteri jasaǵan robot jınalǵan derekterdi adamdarǵa bólisý arqyly aınalany baqylaı alady. Olar bólmedegi aýanyń temperatýrasyn, ylǵaldylyǵyn jáne sapasyn tekserip, órt shyǵý qaýpiniń aldyn alady. Sodan keıin bul derekter órt sóndirýshiler smartfon qosymshasy arqyly qashyqtan qol jetkize alatyn málimetter bazasynda saqtalady.