О́ńir basshysy aýysty

Keshe Qazaqstan Prezıdenti Ákimshiliginiń Basshysy Nurlan Nyǵmatýlın jumys saparymen Qaraǵandyda boldy. Oblys­tyq máslıhattyń kezekten tys HHV sessııasyna qatysqan N.Nyǵ­ma­týlın depýtattarǵa Qazaqstan Res­pýb­lıkasynyń Prezıdenti N.Á.Na­zar­baevtyń Nurmuhambet Qanapııauly Ábdibekovtiń óńir basshysy laýazymyna kandı­datýrasyn usyný týraly hatyn oqyp berdi. Halyq qalaý­lylary Elbasy usynysyn biraýyzdan qoldap, daýys berdi. Sessııadan keıin oblys aktıvi ótti. Prezıdent Ákimshiliginiń Bas­shysy oǵan qatysýshylardy Pre­zıdent Jarlyǵymen taǵaıyn­dalǵan oblystyń jańa ákimimen tanystyrdy. «Nurmuhambet Qa­napııauly – birqatar memlekettik jaý­apty qyzmetter atqarǵan bilikti, tájirıbesi mol maman. Ol elimizdiń údemeli ındýs­trııa­lyq-ınnovasııalyq damý baǵ­darlamasyn iske asyrýdaǵy uıym­dastyrýshylyq qyzmette óziniń qarym-qabiletin tanyta aldy. Mamandyǵy kenshi-ınje­ner retinde ónerkásip salasyn jaqsy biledi. Buǵan deıin Aqtóbe oblysy ákiminiń birinshi orynbasary mindetin atqardy. О́zine de, ózgege de talapshyl», dedi N.Nyǵmatýlın. Oblystyń burynǵy ákimi Baýyrjan Ábdishevtiń óz erkimen qyzmetinen bosatý jónindegi ótinishin Prezıdenttiń qabyl alǵa­nyn jetkizdi. Aktıv jıynynda sóz alǵan aı­maqtyń jańa basshysy Nur­mu­hambet Ábdibekov Elbasy senimin aqtaýǵa, aımaqtyń ekonomıkasyn odan ári damytýǵa kúsh-jigeri men bilimin aıanbaı jumsaıtynyna sendirdi. Aıqyn NESIPBAI, «Egemen Qazaqstan». Qaraǵandy.