Memleket basshysy Nursultan Nazarbaev Fılıpp VI-ǵa onyń Ispanııa Koroli taǵyna otyrýyna baılanysty quttyqtaý jedelhatyn joldady, dep habarlady Prezıdenttiń baspasóz qyzmeti.
Qazaqstan Prezıdenti óz quttyqtaýynda Fılıpp VI-nyń ákesi Hýan Karlos I-diń júrgizgen syndarly saıasaty arqasynda Qazaqstan men Ispanııa arasynda ózara tıimdi ári tolyqqandy yntymaqtastyq qalyptasqanyn atap ótken.
«Ispanııa bizdiń elimiz úshin búginde Eýropadaǵy senimdi dos jáne strategııalyq seriktes bolyp sanalady. Sizdiń qoldaýyńyzben Qazaqstan men Ispanııanyń jan-jaqty yqpaldastyǵy aıasyn tereńdetý úrdisi jalǵasyn tabatynyna erekshe úmit artamyn», – delingen jedelhatta.
Sondaı-aq, Memleket basshysy qalyptasqan ıgi qarym-qatynastar jalǵasatynyna senim bildire otyryp, Ispanııa Korolin Qazaqstanǵa memlekettik saparmen kelýge shaqyrdy.
Sońynda Nursultan Nazarbaev Fılıpp VI-ǵa sarqylmas qýat pen zor tabys, al dostas Ispanııa halqyna baq-bereke tiledi.