Oral qalasyndaǵy «Atrıým» saýda jáne oıyn-saýyq kesheniniń aldynda «Alıment tólediń be, azamat!» atty shara ótti. Batys Qazaqstan oblystyq sot aktilerin oryndaý departamenti men qalalyq prokýratýra birigip uıymdastyrǵan osynaý sharaǵa «BQO stýdentter alıansynyń» eriktileri de jumyla atsalysty. Sharanyń maqsaty – alıment tóleýden jaltaryp júrgen «ákelerdiń» týǵan balalaryna degen janashyrlyq sezimderin oıatý, olardy quqyqtyq jaýapkershilikke shaqyrý, qoǵamnyń osy máselege nazaryn aýdarý.
– Jyl basynan beri oblystyq sot aktilerin oryndaý departamentinde 6486 alıment óndirý faktisi tirkelgen. О́kinishke qaraı, perzentterine bereshek ákelerdiń jartysynan kóbi jaýapkershilikten jaltaryp, qashyp júr. Soǵan sáıkes departamentte túrli sharalar qolǵa alynýda, – deıdi alıment tólemderin óndirý bóliminiń basshysy Svetlana Fıglovskaıa.
Júrgizilgen tıisti sharalardyń nátıjesinde jyl basynan beri 35 azamat ákimshilik jaýapkershilikke tartylǵan. Onyń 9-y bes táýlikke ákimshilik qamaýǵa alynsa, 12-sine aıyppul salynǵan. Sondaı-aq, meken-turaǵy belgisiz 16 qashqyn ákege izdeý jarııalanyp, 7 adamnyń avtokólik júrgizý quqyǵyna shekteý qoıylǵan. Munyń syrtynda bıylǵy jyldyń bes aıy ishinde sot sheshimin oryndamaǵan 870 azamatqa elimiz aýmaǵynan syrt jerge shyǵýǵa shekteý qoıyldy.
Fatıholla MAShTAHOV,
BQO Sot aktilerin oryndaý departamentiniń qyzmetkeri.