«Baıtaq» jasyldar partııasynan Májilis depýtattyǵyna kandıdat Vladımır Martel О́skemendegi qoqys óńdeý zaýytynyń qyzmetkerlerimen kezdesti.
Zaýyt jumysyn ótken jyly bastaǵan. Kásiporyn – saǵatyna 25 tonnaǵa deıin qoqysty suryptaýǵa múmkindigi bar Orta Azııadaǵy alǵashqy zaýyt. Kezdesý barysynda jınalǵandar ekologııalyq salaǵa qatysty kóptegen máseleni, sonyń ishinde Qazaqstandaǵy basty ekologııalyq máselelerdiń biri qoqystardy óńdeý taqyrybyn talqylady. Sondaı-aq jalaqy týraly da másele kóterildi. Qyzmetkerler ózderiniń aýyr eńbegi úshin 140-180 myń teńge ǵana jalaqy alatynyn aıtty. Azyq-túlik, ózge de kúndelikti turmysta tutynatyn zattardyń baǵasy jyl saıyn aspandaıtynyn eskersek, jalaqy mólsheri jetkiliksiz. «Baıtaq» jasyldar partııasynyń kandıdaty Vladımır Martel barlyǵymyz birlese otyryp, qoqystardy belsendi jınaý jáne elektrondy qaldyqtardy óńdeý arqyly bul máselelerdi sheshýge bolatynyn aıtty.
Shyǵys Qazaqstan oblysy «Baıtaq» jasyldar partııasy fılıalynyń qoǵamdyq qabyldaý bóliminiń meńgerýshisi Ryspek Qasenov jáne partııa músheleri jergilikti turǵyndarmen kezdesip, olardyń saýaldaryn tyńdap, aldaǵy is-qımyl josparyna engizdi. Turǵyndar ekologııalyq problemalarmen qatar, áleýmettik máselelerdi de jan-jaqty talqylady.
Buǵan deıin «Baıtaq» jasyldar partııasynyń óńirlik shtaby Túrkistan oblysynyń Saıram jáne Shymkent qalalarynda Saıram-Shymkent-Túrkistan baǵytymen avtobýs týryn bastaǵany belgili. Is-sharaǵa Túrkistan oblysy men Shymkent qalasy shtabynyń músheleri, Túrkistan oblysy men Shymkent qalasynan máslıhatqa kandıdattar retinde tirkelgen azamattar qatysty.
Aksııa iri qalalar men óńirlerdiń ekologııalyq máselelerine, aýanyń, sý qoımalarynyń jáne landshafttyń lastanýynyń joǵary deńgeıine nazar aýdarýǵa baǵyttalǵan. Maqsaty – taza qorshaǵan ortany qorǵaýǵa, tabıǵatqa uqypty qaraýǵa, taza energııa men ónerkásip qurýǵa jáne adamdardyń densaýlyǵyn saqtaýǵa shaqyrý. Týr barysynda aksııaǵa qatysýshylar jergilikti turǵyndardyń usynystary men shaǵymdaryn tyńdady.