Mahambet aýdanynda jas kásipker Álibek Jumaǵalıev ózi turatyn aýylda shaǵyn kınozal ashty. Ol osy jobasy úshin jańa bıznes-ıdeıalardy iske asyrýǵa beriletin 1 mln 225 myń teńgeniń qaıtarymsyz grantyna ıe bolǵan.
Onyń aıtýynsha, Mahambet aýylyndaǵy «Bıznes-ınkýbator» ǵımaratynan ashqan jańa kınozalǵa ár býynnyń ókilderi keledi. Kúndiz balalarǵa arnalǵan mýltfılmder qoıylady. Al keshki mezgilde eresekter otbasymen, dostarymen birge túrli fılmdi kóredi. Bılet baǵasy balalar úshin – 800, eresekterge – 1 200 teńgeden.
Kınozalǵa kelýshilerdiń basym bóligi – oqýshylar men jasóspirimder. Ár aptanyń sársenbisinde áleýmettik jaǵdaıy tómen otbasylardyń balalaryna kıno tegin kórsetiledi.
– Qaıtarymsyz grant qarjysyna qajetti qurylǵylardy, LED ekrandy satyp aldym. Keıin zaldy daıyndap, jóndeý júrgizdik. Ázirge arnaıy formattaǵy fılmderdi ǵalamtordan alyp otyrmyz. Prokatqa ázirge múmkindik bolmaı tur. Kelýshiler sany kóbeıse, kınozaldy keńeıtýdi oılastyryp júrmin. Jańa fılmder kórsetkimiz keledi, – deıdi jas kásipker.
Mahambet aýdandyq ákimdiginiń málimetinshe, byltyr jańashyl bıznes-ıdeıalardy iske asyrý úshin qaıtarymsyz grantty 30 adam utqan. Onyń 15-i jastar bolsa, qalǵanyn áleýmettik osal top sanatyndaǵy jandar alǵan.
Atyraý oblysy