Búgin Qorǵanys mınıstriniń orynbasary Sultan Kamaletdınov Senat otyrysynda Áskerı-áýe kúshteriniń ushqyshtary, áskerı joǵary oqý oryndarynyń oqytýshylary men áskerı dárigerlerdiń jalaqysy 30%-dan joǵary ósetinin aıtty, dep habarlaıdy Egemen.kz.
Qorǵanys mınıstriniń orynbasary atap ótkendeı, búginde keıbir áskerılerdiń jalaqysyn kóterý týraly usynystar qoldaý tapty.
«Úkimet áskerı-áýe kúshteri ushqyshtarynyń jalaqysyn kóbeıtý týraly usynysty qoldady. Bıyl áskerı joǵary oqý oryndarynyń professorlyq-oqytýshylyq quramynyń jalaqysyn azamattyq joǵary oqý oryndarynyń deńgeıine deıin kóterý máselesi qarastyrylyp jatyr. Áskerı qyzmetkerlerdiń kelesi sanaty – áskerı dárigerler. Jalaqyny azamattyq sektordaǵy medısına qyzmetkerleriniń deńgeıine deıin kóterý usynysy da Úkimet tarapynan qoldaýǵa ıe boldy», dedi Sultan Kamaletdınov.