Tennısten erler arasyndaǵy Qazaqstannyń birinshi, álemniń 50-raketkasy Aleksandr Býblık Fransııanyń Marsel qalasynda ótip jatqan «ATP 250» týrnıriniń shırek fınalyna joldama aldy.
Uzaq ýaqytqa jalǵasqan sátsizdikten keıin jerlesimiz birte-birte es jıyp keledi. Osy týrnırdiń alǵashqy kezeńinde álemniń 67-raketkasy serbııalyq Fılıp Kraınovıchti úsh sette (7:5, 6:3, 6:4) tize búktirse, ekinshi aınalymda reıtıngte 58-satyǵa jaıǵasqan fransııalyq Gregýar Barrerdi jarys jolynan yǵystyryp, shırek fınalǵa shyqty. Bir saǵatqa jalǵasqan matchta Býblık kort qojaıynynan 6:4, 6:2 esebimen basym tústi.
Bir aıta keterligi, eki tennısshi jýyrda ǵana Monpelede ótken jarysta kezdesip, Býblık tartysty matchta qarsylasyna 4:6, 7:6 (14:12), 6:7 (3:7) esebimen ese jibergen edi. Endi Aleksandr Býblık jartylaı fınalǵa shyǵý úshin álemniń 25-raketkasy bolgarııalyq Grıgor Dımıtrov nemese reıtıngte 116-orynda turǵan nıderlandtyq Gııs Brýverdiń birimen kezdesedi.
О́kinishke qaraı, Dýbaıdaǵy «WTA 1000» týrnırinde sátti óner kórsetip kele jatqan Qazaqstannyń birinshi, álemniń 10-raketkasy Elena Rybakına jaraqatyna baılanysty jarystan shyǵyp qaldy.