Beldigin qorǵaýdy mindettedi

WBO uıymy eki tarapqa jekpe-jek keshin uıymdastyrý boıynsha jedel túrde kelis­sóz­derge kirisýdi mindettedi. Boks­shylardyń komandasyna ymy­raǵa kelý úshin 20 kún ýaqyt be­rildi. Eger osy merzim ishinde olar ortaq mámilege kele almasa, onda WBO erejesi boıynsha jek­pe-jekti ótkizý quqyǵy promo­ý­terlik bás saýdaǵa shyǵarylady.

Kásipqoı bokstaǵy orta jáne birinshi orta salmaqta ju­dy­ryqtasatyn Lıam Smıt – óz sal­maǵyndaǵy eń myqty boks­shy­­lardyń biri. 34 jastaǵy byl­ǵary qolǵap sheberi Uly­brıtanııanyń Lıverpýl qala­synda dúnıege kelgen. Áýesqoı boksta aıtarlyqtaı tabysqa qol jetkize almaǵan Smıt 2008 jyldan beri kásipqoı rıngte judyryqtasyp júr. Sol ara­lyqta 37 kezdesý ótkizip, 33 jek­pe-jeginde jeńiske jetti. Sonyń ishinde 20 qarsylasyn merziminen buryn utty. Sonymen qatar úsh aıqasynda qarsylasyna jol berip, bireýinde teń túsken.

2015 jyldyń kúzinde ol óziniń otandasy Djon Tompsondy je­tinshi raýndta uryp jyǵyp, orta salmaqta WBO tujyrymy boıynsha álem chempıony atandy. Keıinnen ol altyn belbeýin brıtanııalyq Djımmı Kellı men chernogorııalyq Predrag Radoshevıch sekildi birde-bir jeńilisi joq ataqty boksshylarmen ótken jekpe-jekterde sátti qorǵady. Alaıda keıin­gi aı­qasynda meksıkalyq dańq­ty boksshy Saýl «Kanelo» Al­varesten nokaýtpen utylyp, chempıondyq ataǵynan aıyrylyp qaldy. Bul onyń kare­ra­syndaǵy alǵashqy jeńilis edi. Lıam Smıt odan keıingi aı­qas­tarynda mek­sıkalyq Haıme Mýngııa men re­seılik Magomed Kýrbanovtan upaı sany boıynsha utyldy.

Smıt óz kezeginde Lıam Ýılıams, Roberto Garsııa, En­tonı Faýler, Djessı Vargas, Sem Eg­gıngton syndy tanymal boks­shy­lardy uryp jyqqan. Brı­ta­nııalyq boksshy eń keıingi jek­pe-jegin bıylǵy qańtar aıyn­da otandasy kishi Krıs Iýbenk­pen ótkizip, tórtinshi raýnd­ta tehnıkalyq nokaýtpen je­ńiske jetti.

Bıyl 30 jasqa tolatyn jer­lesimizdiń aıaq alysy jaman emes. Búginge deıin ol ká­sip­qoı rıng­tegi 13 kezdesýiniń bar­lyǵyn jeńispen aıaqtap, segiz báse­kesinde aıqyn basymdyq tanytty. Joǵarydaǵy jańalyq resmı jarııalanǵan soń Jánibek «Shynyn aıtqanda, menimen judyryqtasýdan bas tartatyn qarsylastardan sharshadym! Ke­lesi qarsylasym menimen kez­­desýden qashpaıdy dep úmit­te­nemin. Biraq kimmen sharshy alańda kezdessem de, álemdegi eń ataqty boksshylardyń biri bo­la­tynyma ýáde beremin», dep jazdy áleýmettik jelidegi paraq­shasynda.

Álimhanulynyń bul jekpe-jek­tiń de ótpeı qalýynan kúdik­tenip otyrǵany beker emes sııaq­ty. О́ıtkeni Lıam Smıt joǵa­ryda kishi Krıs Iýbenkti jeń­genin aıttyq. Smıt pen Iýbenk arasyndaǵy jekpe-jektiń keli­sim­sharty boıynsha, eki boks­shy aldaǵy ýaqytta mindetti qa­­rymta jekpe-jegin ótkizýge tıis. Sondyqtan Lıam Smıt te Jáni­­bekpen judyryqtasýdan bas tartýy ǵajap emes.