Taǵy 1 mıllıon teńgeden beriledi

Bul otbasylardyń bári buryn kók­tem­nen kúzge deıin ormannan sańyraý­qulaq, jemis-jıdek, neshe túrli emdik shóp jınap, qyzyl qaıyń­nyń japyraqtarynan monsha sy­pyr­ǵysyn býyp, ony qys boıy jol boıynda satyp nápaqa aıyryp kelgen. Alapat órtten keıin úırenshikti kásibinen aıyrylǵan turǵyndardyń ári qaraı qaıtyp kún kóremiz dep abdyrap qalǵany ras.

– Úıimizge qosa, qora-qopsymyz ben azyn-aýlaq malymyz, ustap otyrǵan qusy­myzǵa deıin órt jalmap ketti. Taby­sy­myzdan aıyryldyq. Buǵan deıin berilgen 5 mln teńgeniń bárin turmystyq qajetimizge jarattyq. Kıim-keshek, jıHaz, ydys-aıaq satyp aldyq. Ár otbasynda 4-5 jan bar. Jyǵylǵanǵa judyryq degenniń kerin keltirip, esepshotymyzǵa aqsha túsip bárimiz jappaı jıHaz satyp alarda kásipkerler taýarlaryn qymbattatyp jiberdi. Mysaly, buryn 270 myń teńge turatyn dıvandy 370 myń teńgege satyp aldyq, deıdi turǵyndar.

Kommýnaldyq shyǵyndaryn tóleı almaǵan turǵyndar taıaýda jer­gi­likti ákimdikke orman órtinen bolǵan tótenshe jaǵdaıdyń zardabyn joıý maqsatynda ashylǵan «Qaıy­rym­dy­lyq KZ» qorynan qoldaý qarjy bólýdi surap ujymdyq hat joldaǵan. Atalǵan qorǵa byltyrdan beri 1,3 mlrd teńge kóleminde qar­jy túsipti. Onyń shamamen úshten biri ormandy qaıta qalpyna keltirýge ketken. Jańadan salynǵan «Birlik» sha­ǵyn aýdanyn abattandyryp, ınfra­qury­lymyn jetildirýge 123,7 mln teńge qarjy jumsalǵan. Al órtten zar­dap shekken adamdarǵa materıal­dyq kómek retinde 355,5 mln teńge tólengen.

– Búginge deıin 152 adam 1 mln teń­geden aldy. Bul qarajatqa shyǵyn­da­ryn óteýge erterek ótinish jazǵan turǵyndar ıe boldy. Qazir taǵy 27 adamnyń ótinishin qarap jatyrmyz, dedi qor ókili Gúlmıra Qapenova.

Kóktemge deıin kómektese turýdy suraǵan «Birlik» turǵyndary kún jylysymen jumys taýyp, óz kúnimizdi ózimiz kórip ketemiz deıdi.

Qostanaı oblysy