QR UQK Shekara qyzmeti shetel azamattarynyń jalǵan qujattardy paıdalaný derekterin anyqtaýdy jalǵastyryp jatyr, dep habarlaıdy Egemen.kz.
Ulttyq qaýipsizdik komıtetiniń baspasóz qyzmeti habarlaǵandaı, 22 aqpanda Almaty qalasynyń halyqaralyq áýejaıynda jáne Pavlodar oblysy «Sharbaqty» ótkizý pýnktinde Tájikstan Respýblıkasynyń 6 azamaty ustaldy.
Tólqujattyq baqylaýdy iske asyrý barysynda atalǵan azamattardan QR aýmaǵynda ýaqytsha bolýǵa ruqsat berý týraly jalǵan anyqtamalar men Shekara qyzmetiniń shekaradan ótti degen jalǵan mórtaban basylǵan tólqujattary anyqtaldy.
Atalǵan azamattarǵa qatysty tekserý sharalary júrgizilip jatyr.