Túrkııa 7 eldegi, sonyń ishinde Qazaqstandaǵy elshisin aýystyrdy. Tıisti qujatqa el prezıdenti Rejep Taııp Erdoǵan qol qoıdy, dep habarlaıdy Egemen.kz «Anadoly» agenttigine silteme jasap.
Erdoǵan qol qoıǵan qujattyń mátini úkimettiń resmı basylymy - Resmi Gazete-de beısenbi kúni jarııalanǵan.
Qujatqa sáıkes Túrkııa Qazaqstannan bólek, Portýgalııa, Ulybrıtanııa jáne Irandaǵy elshilerin aýystyrǵan.
Túrkııanyń Qazaqstandaǵy jańa elshisi bolyp quqyqtyq qyzmetter jónindegi basqarmanyń bas dırektory qyzmetin atqarǵan Mýstafa Kapýdjý taǵaıyndaldy.
Qazaqstandaǵy burynǵy elshi Ýfýk Ekıdjı Túrkııanyń Lýandadaǵy dıplomatııalyq mıssııasynyń basshysy boldy.
Daily Sabah basylymynyń habarlaýynsha, qalǵan alty elshi eldiń Syrtqy ister mınıstrliginiń Ankaradaǵy shtab-páterine aýystyrylǵan.