Dollardyń teńgege shaqqandaǵy baǵamy quldyrady, dep habarlaıdy Egemen.kz Qazaqstan qor bırjasyna silteme jasap.
Kúndizgi saýdanyń qorytyndysy boıynsha dollardyń ortasha saralanǵan baǵamy 1,26 teńgege tómendep, 447,73 teńgeni qurady. Aıta keteıik, Ulttyq banktiń 24 aqpandaǵy bir dollarǵa arnalǵan resmı baǵamy 449,22 teńgeni quraıdy.
Kurs.kz habarlaǵandaı, dál qazir Astananyń aqsha aıyrbastaý oryndarynda amerıkalyq valıýta orta eseppen 447,97 teńgeden satyp alynyp, 451,10 teńgeden satylyp jatyr. Almatynyń aqsha aıyrbastaý oryndarynda dollardy ortasha satyp alý – 447,98 teńge, satý – 451,54 teńge.