Temirtaýdaǵy «Ana men bala» kópsalaly ortalyǵynda salmaǵy 5 keliden asatyn ul bala dúnıege keldi, dep habarlaıdy Egemen.kz.
Ortalyq dárigerleriniń aıtýynsha, náresteniń salmaǵy – 5055 gramm, boıy – 57 santımetr. Anasy ony tabıǵı jolmen bosanǵan. Qazir ana men balanyń jaǵdaıy qalypty. Olar dárigerler baqylaýynda.
«Bul – áıeldiń tórtinshi balasy. Akýsherlikte úlken salmaqty balalardyń dúnıege kelýi jıi kezdesedi. 4 myń gramnan asatyn balalar úlken sanalsa, salmaǵy 5 myń gramnan asatyn sábıler alyp balalar tobyna jatady», delingen habarlamada.