Qazaqstan fermerleri 1 aqpannan bastap gosagro.kz portalynda jalpy somasy 17,1 mlrd teńgege sýbsıdııa alýǵa 3067 ótinim berdi. 134,6 mln teńgege ótinim maquldanyp, onyń 20 mln teńgesi aýyl sharýashylyǵy taýaryn óndirýshilerge tólendi, dep habarlaıdy Egemen.kz Aýyl sharýashylyǵy mınıstrliginiń baspasóz qyzmetine silteme jasap.
Júıede «kútý paraǵy» tetigi iske qosyldy. Onda bıýdjettiń bolýyna qaramastan rettik nómir berilip, maquldanǵan ótinimder kelip túsedi. Osylaısha, bıýdjet fermer tarapynan qosymsha is-áreketsiz tek «kútý paraǵyndaǵy» ótinimder boıynsha avtomatty túrde bólinedi. Bul tásil qarajatty bólýdiń ashyqtyǵyn qamtamasyz etedi jáne sýbsıdııalardy tóleý kezinde adamı faktordy boldyrmaıdy.
Sonymen qatar óńirlik ákimdikterdiń fermerlerdiń aldynda 2022 jyly rezervke qoıylǵan 4025 ótinim boıynsha aıtarlyqtaı bereshegi bar. Derekter qoldau júıesinen Aýyl sharýashylyǵy basqarmalarynyń jeke kabınetterine kóshirildi. Osylaısha, ınvestısııalyq sýbsıdııalaý jáne ónimdi qaıta óńdeý baǵyty boıynsha jergilikti ákimdikter ótken jylǵy qaryzdardy ótegennen keıin ǵana jańa ótinimderdi tóleýge kóshe alady. SBMAJ-de derekter tólemderin qalyptastyrý boıynsha fýnksıonal iske asyryldy. Oblys ákimdikterine tıisti túsiniktemeler joldandy.
Aıta keteıik, paıyzdyq mólsherlemeni sýbsıdııalaý boıynsha júıede 250-den astam qarjy ınstıtýty tirkelgen, olar Aýyl sharýashylyǵy basqarmalaryna 1,8 mlrd teńge somasyna ótinim berdi.