KО́KShETAÝDAǴY DOSTYQ KО́RMESI

“Germanııanyń Qazaq­stan­daǵy jyly – 2010” dostyq sharasy aıasynda Germanııa Federatıvtik Respýblıkasynyń Qazaqstandaǵy Tótenshe jáne ókiletti elshisi Raıner Oıgen Shlageter bastaǵan delegasııa Kókshetaý qalasynda bolyp, Aqmola oblysynyń ákimi Sergeı Dıachenkomen kezdesti. Kezdesý barysynda eki memleket ara­syndaǵy ekonomıkalyq, má­denı, dostyq baılanystardy ny­ǵaıtý, Aqmola óńirinde birlesken kásiporyndar júıesin keńeıtý máseleleri talqylandy. Búgingi tańda oblysta 30 myń­nan astam nemis ultynyń ókilderi beıbit qatar tirshilik qu­ryp, Qazaqstannyń ósip-ór­kendeýine súbeli úles qosýda. О́ńirde 18 birlesken kásiporyn jumys is­teıdi. О́nerkásip pen aýyl sha­rýa­shylyǵy salasynda Germanııanyń ozyq tehnologııasy, zamanalyq ma­shı­nalary men jabdyqtary tıim­di­likpen paı­dalanylýda. О́zara ın­ves­tı­sııalyq saıasattyń órisi de ke­ńeıe túsýde. Elshi men ákim oblysta týrıstik ındýstrııany damytýdyń qolaıly múmkin­dikteri barlyǵyn atap kórsetti. Qazirdiń ózinde qaıtarymy mol jobalar sarapqa salynyp jatqany málim boldy. Dostyq jyly aıasynda “Kók­shetaý” mádenıet saraıynda “Zama­nalyq Germanııa” fotosýret kórmesi ashyldy. Saltanatty rásimde Elshi Raıner Shlageter men Aqmola oblysy ákiminiń orynbasary Ashat Qaınarbekov jurtshylyqty qyzý quttyqtady. Aıshyqty on tórt stendten turatyn kóshpeli kórme búgingi Germanııanyń qýatty qadamdaryn kóz aldymyzǵa elestetedi. Onyń eksponattarymen tanysý bary­syn­da IýNESKO tizimindegi 32 sáý­let eskertkishi týraly, jylyna 100 mıllıon adamǵa tanym esigin ashatyn 6000 murajaı, sondaı-aq, jylyna 4 mıllıon kórer­men­di tánti etetin 140 sım­fo­nııa­lyq orkestr jaıly qundy de­rekterge qanyǵasyz. Belgili nemis fotosýretshisi Torsten Elgerdiń ózindik mánerdegi týyndylarymen tolyq­ty­ryl­ǵan kórme buǵan deıin Astana, Qaraǵandy, Semeı, Petropavl, О́skemen qalalary turǵyndaryn jyly áserge bólegen edi. Kók­shetaýdaǵy kórme jıyrma kún jumys isteıdi. Jalpy, jyl aıasynda kórme Qazaqstandaǵy iri 12 qalanyń mádenı ómirine jańa ekpin qosatyn bolady. Ásirese, Pavlodarda ótetin “Eý­ropa kúni” merekesine qyzý da­ıyndyq júrip jatqan kórinedi. Tótenshe jáne ókiletti elshi Raıner Shlageter men elshi­liktiń zańger-referandarıi Sebastıan Prıtskov buqaralyq aqparat quraldary ókilderimen baspasóz máslıhatyn ótkizdi. Baqbergen AMALBEK. Aqmola oblysy.