El astanasynda qazaq mýzykalyq aspaptarynyń súıemeldeýimen belgili fransýz ánderi men fransýz mıýzıklderiniń hıt týyndylary shyrqaldy. Áýezdi keshtiń avtory – «Qazaqkonsert» solısi, ánshi Gúlnár Kóshenova.
Jas ánshiniń «La vie en rose» atty konsertinde fransýz ánderiniń jańasha úni estilip, romantıkaǵa toly Fransııa mádenıeti usynyldy.
Aıta keteıik, Gúlnár Kóshenova «H-faktor», «Qazaqstan daýysy», «Top jargan» syndy telejobalardyń fınalısi, respýblıkalyq jáne halyqaralyq baıqaýlardyń laýreaty retinde tanymal. Ánshiniń repertýarynda pop-mýzyka, djaz, retro, romans baǵytyndaǵy týyndylar bar.
Atalǵan kesh «Astana sazy» etno-folklorlyq ansambliniń súıemeldeýimen jáne belgili mýzykant-mýltı ınstrýmentalıst Ádiljan Tolyqbaevtyń qatysýymen ótti
Fransýz mýzykasyna arnalǵan konsertte Mıreı Mate, Edıt Pıaf, Djo Dassen, Iv Montan, Izabel Jeffrýa (Zaz) syndy ataqty ártisterdiń ánderi, tanymal kınofılmder men mıýzıklderdiń kompozısııalary fransýz jáne qazaq tilderinde oryndaldy.