Daıyndyq barysy pysyqtaldy

Is-shara aıasynda jergilikti atqarýshy organdar, oblystyq prokýratýra ókil­deri, aýmaqtyq saılaý komıssııalarynyń músheleri, kandıdattardyń saılaýaldy shtabtary ókilderi EQYU DIAQB saılaýdy baıqaý jónindegi uzaqmerzimdi mıssııasynyń músheleri Sımone Brokkı men Adam Drevnovskıı, sondaı-aq BAQ ókilderiniń qatysýymen keńes ótti.

Nurlan Ábdirovtiń tóraǵalyǵymen ótken keńeste ýákiletti memlekettik organdar men oblystyq aýmaqtyq saılaý komıssııasy óńirde saılaýshylar tizimderi boıynsha júrgizilip jatqan jumystar, saılaýdy uıymdas­tyrý­shylyq, materıaldyq-tehnıkalyq qam­tamasyz etý, múgedektigi bar azamattar úshin saılaý ýchaskeleriniń fızıkalyq qoljetimdiligi úshin qajetti jaǵdaılar jasaý, saılaý bıýlletenderin ýchaskeler­ge ýaqtyly jetkizý jáne basqa da máse­leler týraly baıandady.

Oblys ákiminiń orynbasary Ulyqbek Tnalıev oblysta barlyǵy 247 saılaý ýchaskesi bar ekenin, onyń ishinde 4 jańadan qurylǵan, 52 shekarasy ózgergenin habarlady. Barlyq saılaý okrýgi men ýchaskesi mate­rıal­dyq-tehnıkalyq jaǵynan qamta­ma­syz etilgen. Saılaý komıssııalary múshe­leri­niń 81,2% saılaý ótkizý tájirıbesi bar. Sony­men qatar Prezıdent janyndaǵy Mem­le­ket­tik basqarý akademııasynyń óńirlik fı­lıalynyń bazasynda saılaý komıs­sııa­larynyń 650 qyzmetkerin oqytý josparlanǵan.

Saılaýshylardyń belsendiligin arttyrý maqsatynda oblystyń qalalary men aýdandarynda 100 aqparattyq bılbord, 3 LED-ekran jáne 6 laıtboks paı­da­lanylady. Sonymen qatar oblys­ta halyqty aqparattandyrý úshin eki til­de motıvasııalyq jáne aqparattyq beı­ne, aýdıo-rolıkter kórsetilimi uıym­dasty­ryldy. Sondaı-aq áleýmettik jeli­lerde belsendi aqparattyq jumys júrgizilip, barlyq jerde Call-ortalyqtar jumys isteıdi. Onlaın-servıs jáne jedelhat-bot iske qosyldy, onda turǵyndar saılaýshylar tiziminde ózderin teksere alady.

Sondaı-aq keńeste atqarylǵan jumys­tar týraly oblsaılaýkom tór­aǵasy Elýbaı Ábilov baıandap, oblysta 8 aýmaq­tyq, 121 aýdandyq jáne 247 ýchaskelik saılaý komıssııasy jumys isteıtinin habarlady. Barlyǵy 2291 komıssııa múshesi jumyldyryldy. Oblysta saılaýshylar sany 418 330 adamdy qurady.

Oblys boıynsha saılaý okrýgteri­niń tizimi, olardyń shekaralary men orna­lasqan jerleri, saılaý ýchaske­leriniń shekaralary jáne saılaý komıs­sııa­larynyń quramy týraly málimetter oblystyq gazetterde jarııalandy, tıisti saılaý komıssııalarynyń ınternet-resýrstarynda ornalastyryldy.

Aýdandar men qalalardyń ákimdik­teri­men birlesip úgittik baspa materıal­daryn ornalastyrý úshin 122 oryn belgi­lendi, olardyń barlyǵy stendtermen jáne qalqandarmen jabdyqtalǵan. Son­daı-aq kandıdattardyń saılaýshylarmen kezdesýlerin ótkizý úshin 57 úı-jaı daıyndaldy. Sondaı-aq Elýbaı Ábilov 26 aqpanda árbir saılaý ýchaskesi boıynsha saılaýshylar tizimi ýchaskelik saılaý komıssııalaryna beriletinin habarlady.

Keńes barysynda Nurlan Ábdirov ákim­dik pen aýmaqtyq saılaý komıs­sııasy­nyń qyzmetkerlerine úgit mate­rıaldaryn ornalastyrý úshin oryndardyń rezervtik sanyn qamtamasyz etýdi tapsyrdy jáne kandıdattarǵa úgit jumysy úshin teń múmkindikterdi qamtamasyz etýdiń mańyz­dylyǵyn atap ótti.

Sondaı-aq jumyspen qamtýdy úı­lestirý jáne áleýmettik baǵdarlamalar basqarmasy basshysynyń orynbasary Jaısangúl Dospolova óńirde saılaýǵa qatysatyn múgedektigi bar 20 579 azamat tirkelgenin atap ótti. Erekshe qajettilikteri bar azamattardyń sany 4 baǵyt boıynsha 7 174 adamdy quraıdy. Onyń aıtýynsha, 247 saılaý ýchaskesi 190 ǵımaratta ornalasqan. Saılaý kúni 15 «Invataksı» jáne 13 ym tili mamandary jumys isteıtin bolady.

Jıynda Nurlan Ábdirov múgedektigi bar barlyq adam úshin daýys berý múmkindigi men sharttaryn qamtamasyz etý mańyzdy ekenin atap ótti. Qajet bolsa, olardy aqparattandyrýǵa jeke qaraý kerek. Sondaı-aq eger jekelegen saılaýshylar densaýlyq jaǵdaıyna baılanysty saılaý ýchaskesine kele almasa, ýchaskelik saılaý komıssııasy jazbasha ótinish boıynsha osy saılaýshylardyń ornalasqan jeri boıynsha daýys berýdi uıymdastyrýy tıis ekenin atap ótti. Múgedektigi bar adamdarǵa da osy quqyq týraly habarlaý qajet.

Sondaı-aq semınar-keńes aıasynda oblys prokýrory Rýfat Quttyqov saılaý úderisine qatysýshylardyń barlyǵy­nyń zańnamany saqtaýyn qadaǵalaýdy júzege asyrý týraly habardar etti.

Polısııa departamentiniń ókiline joldaǵan sózinde Ortsaılaýkom basshysy saılaý naýqany kezinde quqyqtyq tártip pen zańdylyqty saqtaýdyń mańyzdylyǵyn atap ótti. Komıssııa tóraǵasy daýys berý kúni polısııa qyzmetkerleri saılaý ýchaskelerinde sebepsiz bolmaýǵa tıis ekenin eskertti.

Semınar aıasynda Ortsaılaýkom basshysy EQYU DIAQB-nyń saılaýdy baıqaý jónindegi uzaqmerzimdi mıssııa­synyń ókilderi Sımone Brokkı (Italııa) jáne Adam Drnovskıımen (Chehııa Respýb­lıka­sy) kezdesip, konstıtýsııalyq refor­ma men zańnamanyń ózgerýine baıla­nys­­ty aǵymdaǵy naýqannyń erekshe­lik­terin tal­qylady. Ol Parlament saılaýyna ázir­lik pen ony ótkizý barysynda halyq­ara­lyq baıqaýdyń mańyzdylyǵyn atap ótti.

Semınar-keńestiń sońynda OSK tóraǵasy saılaý komıssııalary Parla­ment Májilisi jáne máslıhattar depýtat­tarynyń kezekten tys saılaýyn ázirleý men ótkizý jónindegi barlyq negizgi is-sharany baqylaýda ustaýy jáne el úshin mańyzdy jáne jaýapty osy naýqandy zańǵa qatań sáıkes júrgizýge daıyn bolýy tıis ekenin atap ótti. Semınar aıasynda aýmaqtyq saılaý komıssııalary úshin iskerlik oıyn túrinde úsh oqytý trenıngi ótkizildi.

Iskerlik oıynnan keıin Nurlan Májıt­­uly Aqtaý qalasy men oblystyń Túp­qa­raǵan aýdanyndaǵy 6 okrýgtik saı­laý komıssııasyna bardy. Okrýgtik saı­laý komıssııalarynda ol aǵymdaǵy naý­qan aıasynda kandıdattardy usyný jáne tir­keý kezeńderinde týyndaǵan prob­lema­lyq máselelerge qyzyǵýshylyq tanytty.

Komıssııa múshelerimen kezdesý barysynda OSK tóraǵasy elimizdiń saılaý zańnamasy aıtarlyqtaı jańarǵanyn, sondyqtan komıssııa múshelerin sapaly, tolyqqandy jáne úzdiksiz oqytý qajettiligi týyndaǵanyn erekshe atap ótti. Ol saılaýshylardyń saılaýaldy baǵdarlamalaryn oryndamaýyna baılanysty depýtattyń mandatyn qaıtaryp alý quqyǵyna ıe bolýyna daıyn bolýǵa shaqyrdy. Bul jaǵdaıda zańǵa sáıkes jańa saılaý taǵaıyndalady.

Inspeksııalyq sapar barysynda múge­dek­tigi bar adamdardyń saılaý quqyq­­taryn qamtamasyz etýge, olardy qol­daýdyń ártúrli nysandarynyń – kompıý­termen, aýdıo jáne beıne kontent­pen, qulaqqaptarmen, qosymsha jaryqtan­dyrýmen, ulǵaıtqyshtarmen jabdyqtalǵan daýys berýge arnalǵan úı-jaıda buryshtardyń bolýyna erekshe nazar aýdaryldy.

Ol sondaı-aq saılaý naýqany, eń aldymen, eldiń ókildi organdaryna aldaǵy saılaýdyń ashyqtyǵyn qamtamasyz etýge tıis saılaý komıssııalarynyń bar­lyq múshesinen joǵary kásibılik pen jaýap­kershilikti talap etetinin atap ótti.

О́tkizilgen kezdesýler qorytyn­dysy boıynsha Nurlan Ábdirov aýmaqtyq jáne okrýgtik saılaý komıssııalarynyń tóraǵalaryna birqatar tapsyrma berdi.

Mańǵystaý oblysy