6 aqpan kúni Túrkııanyń ońtústik-shyǵysynda, Sırııa shekarasyna jaqyn jerde bolǵan jer silkinisinen 50 myńǵa jýyq adam qaza taýyp, 180 myńǵa jýyq adam jaralandy, dep habarlaıdy, Egemen.kz.
Túrkııada birneshe ret jer silkindi. Birinshi jerasty dúmpýi 7,8 ball boldy. Apat ǵımarattardy qıratyp, adam shyǵynyna ákeldi. Odan keıin de Gazıantep qalasynyń mańynda bolǵan jer silkinisi birneshe ret qaıtalandy. Mamandardyń aıtýynsha, bul oqıǵanyń kóp shyǵynǵa ushyratýynyń birinshi sebebi adamdardyń uıyqtap jatýy boldy. Ekinshiden, ǵımarattardyń sapasy mańyzdy faktor bolsa, úshinshiden, oqıǵa bolǵannan keıin 24 saǵattyń ishinde ǵana adamdardy izdep, taýyp aman alyp qalý múmkindigi joǵary boldy.
«Ǵımarattardyń talaptarǵa saı salynbaýy óte úlken áser etti. Kún ótken saıyn tiri qalǵan adamdardyń sany azaıa beredi. Qutqarýshylar birinshi kúni barlyq adamdy qutqarýǵa qaýqarsyz boldy. О́ıtkeni qala túgel derlik qırap qaldy. Ári bul aımaqta uzaq ýaqyt jer silkinisi bolmaǵan jáne jer silkinisi bolatyny týraly boljam men eskertý jasalmaǵandyqtan, Úkimet bundaı jaǵdaıǵa daıyn bolmady», dedi Portsmýt ýnıversıtetiniń výlkanologııa jáne táýekelderdi aqparattandyrý salasynyń oqytýshysy Karmen Solana.