AQSh-qa joldama aldy

Chempıonat nátıjesi bo­ıynsha bizdiń oqýshylar AQSh-ta ótetin dúnıejúzilik ro­bot­tehnıka chempıonatyna jol­dama aldy. Hıýston qala­synda ótetin FIRST dodasynda el namysyn 50-ge jýyq oqýshy qorǵaıdy. Bu­lar – jeńimpaz atanǵan 4 ko­mandanyń músheleri. Sondaı-aq taǵy 9 komanda Aýstralııa, Marokko, AQSh, Úndistanda óte­tin halyqaralyq ashyq chem­pıonattarǵa qatysady.

– Chempıonat úsh jas sanaty boıynsha uıymdas­ty­ryldy. Kishkentaı balalar satysynda Almaty qalasynyń oqýshylarynan qurylǵan Adeptus Mechanicus toby AQSh-ta ótetin basty dodaǵa joldama aldy. Ortańǵy sanatta bas júldeni almatylyq Play 4 Energy toby ıelendi. Al 12-18 jas sanatynda alma­tylyq AENTA jáne NIS Kyran toptary jeńimpaz atan­dy. Úsh kúnge sozylǵan saıys tartysty ótti. Jyl sa­ıyn robottehnıkamen aınalysatyn oqýshylar qa­tarynyń artqany qýan­ta­dy, – dedi USTEM Robotics qorynyń jetekshisi Asylbek Myrzahmetov.

24-26 aqpan aralyǵynda ótken chempıonatqa elimizdiń ár aımaǵynan 1 200 oqýshy qa­tysty. Bıylǵy jarys ener­gııa taqyrybyna arnaldy.

– Bul básekede Qazaqstan­nan jáne kórshi elderden kelgen oqýshylar ózderiniń ınnovasııalyq jobalaryn usyndy. Kez kelgen jetistik shaǵyn qadamdardan bastalatyny anyq. Sondyqtan búgingi jobalar shaǵyn masshtabta bolsa da, kópshi­lik­tiń kóńilinen shyqty. Meni jas talanttardyń jobalary qýantty. Bul balalardyń barlyǵy jańa tehnologııalardy damytyp, eldiń damýyna úles qosatyn bolashaq IT mamandar, ınjenerler men ǵalymdar ekeni anyq, – deıdi Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın.

FIRST – STEM bilim be­rý salasyndaǵy nátıje­lerge qol jetkizýge jáne HHI ǵasyrdyń daǵdylaryn da­mytýǵa yqpal etetin baǵ­dar­­lama. Álemniń jetekshi oqý oryndarynyń biri Mas­sachýsets tehnologııalyq ıns­tıtýtyna túsken stýdent­ter­­diń 10 paıyzy – dál osy FIRST baǵdarlamasynyń túlekteri. Elimiz aýmaǵynda FIRST baǵdarlamasy 2020 jyldan beri júzege asyp keledi.