Fraksııa tóralqasynyń keńeıtilgen otyrysy

«Nur Otan» partııasynyń Ortalyq apparatynda Par­lament Májilisindegi «Nur Otan» partııasy fraksııasy Tóralqasynyń «QR Parlamenti Májilisindegi «Nur Otan» partııasy fraksııasy men máslıhattardyń ózara qa­rym-qatynasynyń ózekti máseleleri» taqyrybyna arnal­ǵan keńeıtilgen májilisi ótti. Májilis jumysyna «Nur Otan» partııasy Tóraǵasynyń bi­rin­shi orynbasary Baýyr­jan Baıbek, Parlament Májili­siniń vıse-spıkeri, partııanyń Májilistegi frak­sııa­synyń jetekshisi Darı­ǵa Nazarbaeva, fraksııa tóral­qasynyń músheleri, Saılaý­aldy tuǵyrnama baǵyttary­nyń partııalyq jáne óńirlik tálim­gerleri, sondaı-aq, selektorlyq baı­lanys arqyly partııa fılıal­darynyń basshylyǵy, máslı­hat­tardaǵy partııa fraksııalarynyń jetekshileri, máslıhattar hatshylary qatysty. Sharanyń ashylýynda sóz alǵan Baýyrjan Baıbek fraksııa­nyń barlyq bastamalary men zań jobalarynyń partııalyq Saı­laýaldy tuǵyrnama mindetterin iske asyrýǵa baǵyttalǵanyn aıryqsha atady. «Saılaýaldy mindettemelerdi iske asyrýdyń aıasyn­da partııa 12 zańnyń qabyl­danýyna atsalysty. Zań jobalaryna engizilgen túzetýler men ózgertýlerdiń 90%-ǵa jýyǵy «Nur Otan» partııasy fraksııasynyń músheleri tarapynan qolǵa alyndy. Aǵymdaǵy sessııada nurotandyq depýtattar 10 zań jobasyn ortaǵa salyp, 131 depýtattyq suranym jasady»,  dedi B.Baıbek. О́z kezeginde Darıǵa Nazarbaeva «depýtattyq korpýstyń qyz­meti, jumys isteý tásili men ádi­si qoǵamnyń rýhy men damý úrdisine jáne Memleket basshysy reformalarynyń maǵynasyna sáıkes kelýi kerek» ekenin atap ótti. Jıyn qatysýshylary saılaýaldy ýádelerdiń oıdaǵydaı oryndalyp jatqanyn sóz etti. Aıtalyq, 2013 jyldyń qorytyndysy boıynsha partııa Tuǵyrnamasynyń 47 kórsetkishinen (70%) ońdy ná­tıjege qol jetkizilgen. Bul – 2017 jylǵa deıin eseptelgen jos­par. Onyń ishinde 11 kórsetkish (16%) ýaqytynan buryn oryndaldy. Partııanyń Saıası keńes bıýrosy Saılaýaldy tuǵyrnamanyń iske asyrylýyn qadaǵalaýdyń keshendi ári júıelik sharalaryn ázirledi. Osy baǵyttyń aıasynda partııalyq tálimger tarapynan Tuǵyrnama basymdyqtaryn atqarýshy organdardyń iske asyrýyn baqylaý boıynsha birqatar usynymdar berildi. Otyrys barysynda qaty­sý­shylar Parlament Májilisinde jáne máslıhattarda partııalyq fraksııanyń ózara is-qımylynyń jetildirile túskenin atap ótti. О́z kezeginde, bul Saılaýaldy tuǵyrnamanyń ortalyqta jáne jergilikti jerlerde tabysty iske asyrylýynyń júıeliligin qamtamasyz etýge tıis. Mysaly, barlyq deńgeıdegi máslıhattar depýtattarynyń 97 paıyzy (3218 adam) «Nur Otan» partııasynyń músheleri bolyp tabylady. Beıne-konferensııa pishini úlgisinde aımaqtardyń ókilderi zańnamany jetildirý týraly usynys jasady, partııalyq kýra­torlardyń qyzmeti, depýtat­tardyń turǵyndarmen jumys isteýi, fraksııa men partııa fı­lıal­darynyń ózara qarym-qaty­nasy máselelerin qozǵady já­ne partııanyń Saılaýaldy tuǵyr­namasynyń oryndalýy birlesip istegen jumystyń basty nátıjesi bolýy tıistigin atap ótti. «Qazaqstan-2050» Stra­te­gııa­synyń basty basymdyqtaryn iske asyrýdyń aıasynda Saılaý­aldy tuǵyrnamada partııa frak­sııasynyń naqty partııaishilik baılanysyn arttyrý asa mańyzdy. Iаǵnı, el aýmaǵyndaǵy ártúrli deńgeıdegi quzyrly organdar aıasyndaǵy qarym-qatynas úlgisin ońtaılandyrý zor mańyzǵa ıe. Budan bólek, Saılaýaldy tuǵyr­namanyń iske asyrylýynyń ashyq­tyǵyn qamtamasyz etý úshin sarap­shy toptardyń jumysyna azamat­tyq sektor ókilderi kóptep tartylýda. Mysaly, respýb­lı­kalyq deńgeıde olardyń bastamalaryna – 50, al, óńirlik deńgeıde 250 ÚEU qatysýda. Otyrys qorytyndysy boıynsha Parlament Májilisindegi «Nur Otan» partııasy fraksııasy men máslıhattardyń ózara qarym-qatynasyn arttyrýǵa baılanysty naqty sharalar belgilendi. «Egemen-aqparat».