«KazEOSat-2» spýtnıgi sátti ushyryldy

«KazEOSat-2» Jerdi qashyqtyqtan zondtaýshy (JQZ) ekinshi qazaqstandyq spýtnıgi Orynbor oblysyndaǵy (Reseı) «Iаsnyı» ushyrý bazasynan 2014 jylǵy 20 maýsymda Astana ýaqytymen saǵat 01:11-de ushyryldy. «KazEOSat-2» (Kazakhstan Earth Observation Satellite – Jer­di baqylaıtyn qazaqstandyq spýtnık) Qazǵaryshtyń tapsyrysy boıynsha iri fransýz Airbus Defence and Space konserniniń quramyna kiretin Brıtanııanyń Surrey Satellite Technology Limited (SSTL) kompanııasy jasaǵan Jerdi ortasha keńistikten qabileti 6,5 metr bolatyn bes mýltıspektraldy kanaldardan baqylaýǵa múmkindik beretin ǵarysh apparaty. «KazEOSat-2» spýtnıginiń ushyrylymy RS-20 qur­lyq­aralyq ballıstıkalyq zymyranynyń negizinde quryl­ǵan «Dnepr» zymyran-ushyr­ǵyshymen júzege asy­rylǵan bolatyn. «KazEOSat-2» spýtnıgi JQZ qyzmetteriniń tolyq spek­trlerin usynýǵa, Qazaq­stan Respýblıkasynyń aýma­ǵynda túsirilimder alýǵa, sondaı-aq, tabıǵı apattardyń aldyn alýǵa, jer kadastryn júrgizýge, elimizdiń qor­ǵa­nysy men qaýipsizdigin qam­ta­masyz etý úshin kartografııalaý, Jerdiń basqa da ýchas­ke­lerin monıtorıngileý maqsa­tyna baǵyttalǵan. Qazaqstan Res­­pýb­lıka­synyń JQZ ǵarysh júıesi «KazEOSat-2» spýt­nıgin ushy­ra otyryp, ortasha keńis­tikten qabileti 6,5 metr bolatyn ǵarysh apparaty­men tolyqtyryldy. Qazaqstan Res­pýblıkasynyń JQZ ǵa­rysh júıesiniń quramyna eki ǵarysh apparaty (ú.j. 30 sáýirde ushyrylǵan «KazEOSat-1» jáne 20 maýsymda ushy­ryl­ǵan «KazEOSat-2») men má­limetterdi qabyldaýǵa, óńdeýge jáne taratýǵa arnalǵan jerústi nysanaly keshen kiredi. QR Ulttyq ǵarysh agent­tiginiń tóraǵasy Talǵat Musa­baevtyń bas­shy­lyǵymen Qaz­ǵarysh delegasııasy «KazEOSat-2» ǵarysh apparatyna tapsyrys berýshi retinde ǵana emes, sonymen birge, «Dnepr» ZU ushyrýǵa tolyq quqyly qatysýshy re­tinde de qatysqan, dep ha­bar­lady Qazǵaryshtyń baspasóz qyzmeti.