Keleńsiz oqıǵa Qostanaı qalasyndaǵy joǵary oqý oryndarynyń birinde boldy. Úsh stýdent gazdan ýlanyp qalǵan, dep habarlaıdy Egemen.kz.
«Táýelsizdik kóshesi, 118 meken-jaıynda Qostanaı memlekettik pedagogıkalyq ınstıtýtynyń 8 qabatty ǵımaratynda órt boldy. Belgili bolǵandaı, 7 qabattaǵy oqý kabınetinde keńse tehnıkasy janyp ketken. О́rt sóndirýshiler 3 mınýttan keıin jetip, órt oshaǵyn sóndire bastady», dep habarlady oblystyq TJD baspasóz qyzmeti.
О́rtti sóndirýge jeke quramnyń 19 adamy men 6 birlik tehnıka jumyldyryldy.
Habarlanǵandaı, oqıǵa saldarynan zardap shekken úsh stýdentke alǵashqy medısınalyq kómek kórsetildi.