Kóktem shýaǵymen ilesip sonaý Mysyr elinen, Kaır shaharynan ystyq yqylas, izgi iltıpatqa shomylǵan, ishinde duǵaı-duǵaı sálemi men alǵysy bar aqparat kelip jetti. Munyń da ózindik máni bar. 1 naýryz – kóktemniń alǵashqy kúninde Qazaqstanda Alǵys aıtý kúni toılanady. Bul merekeden el men eldi eldestiretin elshilikter de qalys qalmaı otyr.
Jyl ótken saıyn bul merekeniń máni artyp kele jatqany aıan. Onyń ústine Qazaqstan men Mysyr arasyndaǵy qarym-qatynastyń ózindik nyshany ispetti sultan Beıbarystyń 800 jyldyq mereıtoıy atalyp ótedi. Bul merekede aǵa býyn, aǵaıyn-týystarǵa ǵana emes, «Bizdiń zamannyń qaharmandary» jobasy aıasynda eriktiler indetpen kúresýge, adam ómirin saqtap qalýǵa, adamdardyń qaýipsizdigi men densaýlyǵyna qamqorlyq jasap, jaqsylyq pen qoǵamǵa qyzmet etý jolynda kún saıyn erlik jasap júrgen barlyq zamandasymyz ben jerlesimizge de rahmetimizdi aıtamyz. Máselen, Dúnıejúzilik Eriktilerge alǵys aıtý kúni de (World Gratitude Day). Alǵys aıtý kúni AQSh, Ulybrıtanııa, Kanada, Japonııa, Koreıa, Nıderland, Shveısarııa, Úndistan jáne álemniń basqa da elderinde toılanady. Bul kúni adamzat rııasyz ıgi ister jasaıtyn meıirimdi jandarǵa rızashylyǵyn bildiredi. Osy aýyzbirshiliktiń jarqyn merekesine qurmet kórsete otyryp, Qazaqstan Respýblıkasynyń Mysyrdaǵy elshiligi eriktilermen – Mysyr jáne Qazaqstannyń stýdent jastarymen birlese otyryp, Jastar jáne sport mınıstri doktor Ashraf Sobhı men Týrızm jáne kóne jádigerler mınıstri Ahmed Isanyń tikeleı qoldaýymen Kaır mańyndaǵy «7 qyz» kesheniniń aýmaǵyndaǵy tarıhı oryndardy qoqystan tazartý qaıyrymdylyq is-sharasyn ótkizgen. Bul is-sharany ótkizýge iri tazalaý kompanııasy «Bio Energy Egypt» (Mr.Mahmoud Galal), Hermes qarjylyq holdıngi (Mr.Karim Awad), «Arab Contractors» halyqaralyq qurylys kompanııasy (Mr.Sayed Farouk), «Edita» azyq-túlik kompanııasy (Mr. Hani Berzi), «EIPICO» farmasevtıkalyq kompanııasy (Dr.Ahmed Kelani) sııaqty elshiliktiń mysyrlyq seriktesteri óz úlesterin qosty.
Bul qaıyrymdylyq is-sharasy Qazaqstan men Mysyr arasyndaǵy qarym-qatynastyń ózindik sımvolyna aınalǵan sultan Beıbarystyń 800 jyldyq mereıtoıyn toılaý qarsańynda ótip jatqanyn erekshe atap ótken jón. Mysyr men Sırııanyń XIII ǵasyrdaǵy kórnekti bıleýshisi, qazaq dalasynyń uly sultan Beıbarystyń tarıhı murasy eki eldiń mádenıet salasyndaǵy qarym-qatynasynda erekshe oryn alatyny aıan. Eki eldiń úkimeti de Beıbarys meshiti kesheniniń aýmaǵyndaǵy qalpyna keltirý jumystaryn aıaqtaýǵa kóp kúsh jumsap otyr. 2007 jyly 20 qazanda qol qoıylǵan Kaırdegi sultan Beıbarys meshitin qalpyna keltirý boıynsha yntymaqtastyq týraly kelisim aıasynda Qazaqstan tarapy Mysyr tarapyna 4,5 mln dollar bóldi.
«Ámir Qorqamysh» kesheni aýmaǵynda ótkizilgen qaıyrymdylyq is-sharasy barysyndaǵy quttyqtaý sózinde Mysyrdyń kóne jádigerleri Joǵarǵy Keńesiniń Bas hatshysy doktor Mustafa Ýazırı mundaı ıgi isterdiń Mysyr jáne Qazaqstan qoǵamynyń ortaq ıgiligi úshin mańyzdylyǵyn atap ótip, Qasıetti Ramazan aıy men Oraza aıtynan keıin, ıaǵnı sáýir aıynyń sońynda Kaırdegi sultan Beıbarys meshiti saltanatty túrde ashylatynyn habarlady.
Qazaqstan elshisi Qaırat Lama Sharıf óz kezeginde sultan Beıbarys meshitiniń ashylýy baýyrlas eki halyqtyń mádenı ómirindegi erekshe oqıǵa bolatynyn, onyń saltanatty ashylý rásimi osy jyldyń sáýir aıynda Oraza aıt merekesinen keıin Qazaqstannan keletin arnaıy delegasııanyń qatysýymen ótetindigin atap ótti. Sondaı-aq Beıbarystyń mereıtoıyn toılaý jylynda eki el aýmaǵynda Mádenıet kúnderi, mámlúkterdiń Mysyrdaǵy bılik etý dáýiri taqyrybynda sýret kórmeleri, ǵylymı konferensııalar men dóńgelek ústelder sııaqty iri birlesken is-sharalar josparlanyp otyrǵanyn jetkizdi.
ALMATY