Alǵys aqtarylatyn kún

Aqtaý qalasyndaǵy qarttar úıinde oblystyq ǵylymı-ádis­temelik jáne mádenı qyz­met kór­setý ortalyǵynyń konser­ti­men bastalatyn mereke Abaı atyndaǵy mádenı-demalys ke­she­ninde «Alǵys aıtý – paryzym» merekelik konserti men M.О́skinbaev atyndaǵy oblystyq fılarmonııada «Aqshaǵyl» etno-folklorlyq ansambli men «Jor­ǵa» bı tobynyń konsertine jal­ǵasady.

– Nurmuhan Jantórın atyn­daǵy Mańǵystaý oblystyq mý­zy­kalyq-drama teatrynda «Perzenthana» qoıylymy, 3 naýryz kúni «Otpan» tarıhı-má­de­nı kesheninde «Aq jaýlyqty ájeler» atty kezdesý keshi, ob­lys­tyq fılarmonııada kishi sım­fonııalyq orkestrdiń kon­ser­ti uıymdastyrylady, – dedi G.Bazaralıeva.

Sondaı-aq oblystyq mýzeıler men kitaphanalarda «Bul álemdi ádemi etý úshin, jaqsy sózder aıtyńyz» taqyrybynda alǵys aıtý saǵattary, «Alǵys aıtý – paryzym» kitap kórmesi men «Myń alǵys» erteńgiligi, «Jyly lebiz jan tebirenter» kezdesý keshteri ótkizilmek. Mun­daı mádenı is-sharalar Jańa­ózen qalasy men Munaıly, Qaraqııa, Túp­qaraǵan, Beıneý aýdanynda da uıym­das­ty­rylady. Jańaózen qa­lasy bo­­ıynsha «Alǵys aıtý – paryzym» aptalyǵy, «Alǵysymyz sheksiz» atty áleý­mettik jelide chellendj esta­feta, «Alǵys aıtam bárińe» atty merekelik konsert, «Shyn júrekten alǵys aıtamyn» taqyrybynda múmkindigi shekteýli jandarǵa qaıyrymdylyq is-sha­ra­sy ótetindigin aıtty.

Al «Qoǵamdyq kelisim» meke­me­­siniń josparynda da biraz is-shara qamtylǵan. «Alǵys aıtý – paryzym» aksııasy aıasynda ártúrli salalarda jáne kásip­ter­de adal qyzmet etip, azamattyq jáne eńbektik erlik jasap, eldiń damýyna úlesin qosyp júrgen, sondaı-aq túrli oqıǵalar men jaǵdaıattar kezinde bel­sen­dilik pen azamattyq ustanymyn ta­nyt­qan jandarǵa alǵys aıtylsa, túr­li sporttyq saıystar da nazardan tys qalmaıdy.

Alǵys estıtinder qatarynda zeınet­ker­likke shyqqan ustazdar, po­lıseıler men ár sala arda­ger­leri, qarttar, kóshe sypyrýshylar syndy túrli sanattaǵy halyq ókilderi bar. Kóktemniń alǵashqy kú­ninde turǵyndar kóterińki kó­ńil kúımen bir-birine alǵys aı­typ aqtarylmaq.

Mańǵystaý oblysy