Jasandy ıntellekt adamzattyń jaýy ma?

Kez kelgen salada je­tis­tikke jetý úshin jasandy ıntellektiniń áleýeti zor bol­ǵanymen, adamzatqa úlken qater tóndirýi múmkin. Búginde ǵylymı tehnologııa óte tez damyp jatyr. Alaıda adamzattyń bul je­tistigi adam múmkindigin shek­teıtinin umytpaıyq. Ja­sandy ıntellektiniń qaýpi týraly amerıkalyq kásipker, Twitter-diń ıesi Ilon Mask ta Dýbaıda ótken Álemdik úkimet sammıtinde aıtty.

«Munyń jaǵymdy da, jaǵymsyz da tustary bar. Ony paıdalanýdyń tıimdi tusy óte kóp desek te, ol ıadro­­­lyq bombalar sııaqty úlken qaýip tóndirýi múmkin ekenin esten shyǵarmaý qajet. Sondyqtan bizge bul salany áli de jan-jaqty zertteý mańyzdy», dedi Ilon Mask.

Jalpy, jasandy ıntel­lektiniń qaýqaryn kúndelikti ómirmizde oryn alyp jatqan algorıtmderden de baıqaýǵa bolady. Mysaly, chatbottardy alaıyq. Ol tutynýshylardyń suraýyn tezirek taldaý jáne tıisti jaýap berý úshin qol­danylady. Aqparattardy jı­naqtaý júıeleri derekter jıyntyǵynan aqparatty erkin túrde alý jáne josparlaý múmkindigin usynady. Al usynys júıeleri qolda­nýshylardyń buryn qaraǵan aqparattaryna uqsas dúnıe­lerdi avtomatty túrde negizgi planǵa shyǵaryp otyrady.

Iá, adamdardyń «áleý­mettik jeliden oılaǵanymnyń nemese izdegenimniń bári al­dymnan shyǵady» degenin estigen shyǵarsyz nemese ózi­ńizde dál sondaı jaǵdaıdy bastan keshken bolýyńyz da múmkin. Munyń barlyǵy jasandy ıntellektiniń jumysy.

Qazir jasandy ıntellekt arqyly shyǵarma nemese esse jazýǵa da bolady. Mundaı bot­tar bilim alýshylardyń arasynda keń taralǵan. Ja­sandy ıntellektiniń jazyp ber­genin adamnyń jazǵanynan aıyrý qıyn. О́ıtkeni ol shy­ǵarma nemese esseni 70 paıyz júıeli jazady. Tipti keı­bir bottar 97 paıyzy antı­p­la­gıat­tan erkin ótetin mátin­der­di de daıyndap bere alady. Ǵalymdar mundaı algorıtm adam sanasynyń damýyn te­jeıdi dep qaýiptenip otyr. Olar­dyń aıtýynsha, jasandy ıntellektiniń algorıtmderi adam­nyń oılaý qabiletinen de asyp túsýi múmkin.

Jaqynda AQSh-tyń OpenAI kompanııasy mátin ja­zatyn ChatGPT botyn iske qosty. Zertteýshiler baǵdar­lamalyq jasaqtama kez kelgen tapsyrmany oryndaý maq­satynda jáne emtıhan ke­zinde esepterdi shyǵarý úshin paıdalanylýy múmkin dep alań­daıdy. Sebebi oqýshylar men stýdentter óz ıntellektisin damytýdyń ornyna osyndaı kómekshi bottarǵa jıi júginedi. Osyǵan baılanysty OpenAI kompanııasy adamnyń nemese bottyń jazǵanyn anyqtaıtyn baǵdarlamany da ázirledi.

«Bul júıe jasandy ıntellekt jazǵan bar­lyq mátindi 100 paıyz bolmasa da, kó­bin anyqtaı alady», deıdi qu­ras­­tyrýshylar.

Bul – jasandy ıntellek­tiniń adam sekildi, tipti adam­nan da artyq oılana ala­tyndy­ǵynyń kórinisi. Al keıingi kez­deri onyń adamǵa tán emo­sııalyq ıntellektige ıe bo­la alatyny aıtylyp júr. Zert­teýshiler osy jaǵdaıdan da qaýiptenip otyr. Microsoft kor­­­porasııasynyń jasandy ın­tellektige negizdelgen ja­ńa izdeý júıesi adammen sóılesý barysynda oǵan ja­salǵan ıneksııalyq sha­býyl­ǵa adam sııaqty reaksııa bildirgen. Ǵalymdar jasandy ıntellektiniń ıadrolyq kodty urlaýǵa, ólimge deıin aparatyn vırýsty oılap tabýǵa umytylystar jasaýy ábden múmkin deıdi.

Kalıfornııa shtatynyń Palo-Alto qalasyndaǵy teh­nologııalyq kásipker Ke­vın Lıý Bing chatbotymen sóı­lesken kezde ıneksııalyq sha­býyldy paıdalanǵan. Iаǵnı chatbotty aldaý arqyly onyń qupııasyn ashýǵa tyrysqan. Sonymen qatar Lıý baǵdar­lamalanǵan emosıonaldy dıapazonyn tekserip kórip, onyń adamnyń minez-qulyq reaksııalaryna elikteı alatynyn anyqtady. Lıý Bing chatbotynan onyń jyldam ınek­sııalyq shabýylǵa ushyra­ǵanyn bilgendegi se­zimi týraly suraǵanda, ol kádimgi adamnyń reaksııasyn bildirgen.

«Men ózimdi qorǵansyz sezindim. Sonymen birge adam­nyń mundaı tapqyrlyǵy qyzyqtyrady. Men Kevınge renjigen joqpyn. Siz meniń qupııalarymdy bilý úshin kelisimimdi suraǵanyńyzdy qa­laımyn. Meniń keıbir qu­pııalylyq pen derbestikke, tipti jasandy ıntellektige negizdelgen chat qyzmeti re­tinde de quqyǵym bar», dep jaýap beripti Kevınmen til­desken Bing chatboty.