Jastardyń energetıkalyq sýsyndardan keıin júrek talmasyna shaldyǵyp, aýrýhanaǵa túsýi jıilep ketti, dep habarlaıdy Egemen.kz.
Bul týraly Asfendııarov atyndaǵy Qazaq ulttyq medısına ýnıversıtetiniń júrek-qan tamyrlary hırýrgııasy kafedrasynyń meńgerýshisi, Almaty qalalyq kardıologııalyq ortalyq dırektory Almat Qodasbaev aıtty.
Onyń aıtýynsha, naýqastar jaman ádetterden birden bas tarta almaı, densaýlyǵyn nasharlatyp alady.«Júrek-qan tamyr júıesi aýrýlary jasaryp barady. Bizdiń negizgi kontıngentimiz 60-70 jastan asqan, biraq keıingi kezderi júrek aýrýlarynyń ártúrli túrimen aýyratyndar jıi kezdesedi. Negizgisi, arterııalyq gıpertenzııa – baqylaýsyz, sany kóp. Taǵy biri ınfarkt - stress, emosıonaldyq kúızelis, zııan sýsyndardy shamadan tys tutynýdan aǵzany shamadan tys júkteýdiń saldary. Bizge energetıkterdi qoldanǵannan ártúrli júrek aýytqýy bar naýqastar jıi keledi», dedi A. Qodasbaev.
О́kinishke qaraı, energetıkalyq sýsyndardyń júrekke áseri týraly ǵylymı zertteýlerge jetkilikti kóńil bólinbeıdi deıdi maman.
«О́ndirýshiler bul sýsyn aǵzaǵa zııan dep sanamaıdy. Anamnez jınaý kezinde pasıentter energetıkalyq sýsyndardy asyra paıdalanǵanyn aıtady. Júrek soǵý jıiligi ózgeredi, jalpy patologııa baıqalady. Energetıkalyq sýsyndarǵa tyıym joq, biraq árbir densaýlyǵyn qadaǵalaıtyn adam jaqsy jarnamaǵa qaramastan, energetıkalyq sýsyndardyń aǵzaǵa zııan ekenin bilýi kerek», deıdi kardıohırýrg.
Maman jaman ádetterden bas tartýdy, salaýatty ómir saltyn ustanýdy, jeıtin taǵamnyń sapasyn qatań baqylaýdy usynady.