Astanada jáne elimizdiń 15 oblysynda qolaısyz aýa raıyna baılanysty eskertý jarııalandy, dep habarlaıdy Egemen.kz «Qazgıdromet» RMK-ǵa silteme jasap.
Túnde Astana qalasynda qarly boran bolady dep boljanyp otyr. Ońtústik-batystan jel soǵyp, ekpini 15-20 m/s bolady.
Aqmola oblysynyń soltústiginde, batysynda, shyǵysynda qarly boran, kóktaıǵaq kútiledi. Ońtústik-batystan jel soǵyp, túnde oblystyń soltústiginde, shyǵysynda 15-20 m/s, kúndiz oblystyń kóp bóliginde 15-20, oblystyń soltústiginde, shyǵysynda 23 m/s deıin jetedi. Kókshetaý joldarynda kóktaıǵaq bolady.
Jambyl oblysynyń taýly aýdandarynda tuman kútiledi. Jel ońtústik-batysta, soltústik-shyǵysta, oblystyń taýly aýdandarynda 15-20, 23-28 m/s deıin soǵady, tańerteń jáne tústen keıin ońtústik-batysta, oblystyń taýly aýdandarynda keıde 30 m/s deıin soǵýy múmkin.
Qyzylorda oblysynyń shyǵysynda kóktaıǵaq, tuman kútiledi.
Kúndiz Qaraǵandy oblysynyń shyǵysynda qalyń qar jaýady. Oblystyń soltústiginde, shyǵysynda boran, kóktaıǵaq, oblystyń ońtústiginde tuman kútiledi. Oblystyń soltústiginde, shyǵysynda ekpini 23-28 m/s bolatyn jel soǵady. Qaraǵandyda tómen qarly boran, kóktaıǵaq kútiledi.
Almaty oblysynyń ońtústiginde jel soǵyp, ekpini 15-20 m/s bolady.
Túnde Mańǵystaý oblysynyń batysynda, ońtústiginde, shyǵysynda kóktaıǵaq kútiledi. Tańerteń oblystyń soltústik-shyǵysynda tuman túsedi. Aqtaýda kóktaıǵaq bolady.
Túnde jáne tańerteń Batys Qazaqstan oblysynyń soltústiginde, shyǵysynda tuman, kóktaıǵaq kútiledi. Kúndiz oblystyń soltústiginde, shyǵysynda boran soǵady. Kúndiz oblystyń batysynda, soltústiginde, shyǵysynda ekpini 15-20 m/s jel soǵady. Oral qalasynda túnde jáne tańerteń tuman, kóktaıǵaq kútiledi. Kúndiz qarly boran bolady.
Qostanaı oblysynyń soltústiginde, shyǵysynda tómen qarly boran kútiledi. Oblystyń ońtústiginde tuman kútiledi. Ońtústik-batystan jel soǵyp, ekpini 15-20 m/s bolady.
Aqtóbe oblysynyń batysynda, soltústiginde qarly boran bolady dep boljanyp otyr. Oblystyń ońtústiginde tuman kútiledi. Oblystyń batysynda, soltústiginde 15-20 m/s jel soǵady. Aqtóbede kúndiz tómen qarly boran kútiledi.
Jetisý oblysynyń soltústiginde, shyǵysynda ekpini 15-20, Alakól kólderi aýdanynda 23-28 m/s jel soǵady.
Sınoptıkterdiń aıtýynsha, Pavlodar oblysynyń ońtústiginde, shyǵysynda jaýyn-shashyn (negizinen qar), tómengi boran, kóktaıǵaq kútiledi.
Ulytaý oblysynyń soltústiginde, shyǵysynda qarly boran, kóktaıǵaq kútiledi. Oblystyń ońtústiginde tuman túsedi. Oblystyń soltústiginde, shyǵysynda ekpini 15-20 m/s jel soǵady. Jezqazǵanda tańerteń jáne tústen keıin tómen qarly boran, kóktaıǵaq kútiledi.
Tańerteń jáne tústen keıin Túrkistan oblysynyń taýlarynda qatty jańbyr jaýady. Kúndiz taýly aımaqtarda naızaǵaı kútiledi. Soltústikte, batysta, taýly jáne taý bókterindegi aýdandarda soltústik-batysqa aýysatyn jeldiń ekpini 15-20, kúndiz taý asýlarynda 23-28 m / s deıin jetedi.
Shyǵys Qazaqstan oblysynda jaýyn-shashyn (jańbyr, qar jaýady), joldarda kóktaıǵaq bolady. Oblystyń soltústiginde, shyǵysynda qarly boran kútiledi.
Abaı oblysynda jaýyn-shashyn (jańbyr, qar jaýady), joldarda kóktaıǵaq bolady. Oblystyń soltústiginde, batysynda tómengi boran bolady. Semeıde jaýyn-shashyn (jańbyr, qar jaýady), joldarda kóktaıǵaq bolady dep kútiledi. Ońtústik-batystan soǵatyn jeldiń ekpini 15-20 m / s bolady.
Soltústik Qazaqstan oblysynyń soltústiginde, batysynda, shyǵysynda tómen qarly boran kútiledi. Kúndiz oblystyń basym bóliginde ekpini 23-28 m/s jel soǵady. Petropavlda tómen qarly boran kútiledi. Ońtústik-batystan jel soǵyp, ekpini 15-20 m/s deıin jetedi.