Astanada baspasóz hatshylaryna arnalǵan eki kúndik semınar ótip jatyr. Is-sharany Aqparat jáne qoǵamdyq damý mınıstrligi, Prezıdenttiń baspasóz qyzmeti, Qazaqstandyq qoǵamdyq damý ınstıtýtynyń «MediaLab» ortalyǵy jáne «Maqsut Narikbayev university» birlesip uıymdastyrdy.
Basty maqsat – memlekettik organdarda qyzmet etetin kommýnıkasııa mamandarynyń biliktiligin arttyrý jáne kásibı mashyqtaryn shyńdaý. Basqosýdyń ashylý saltanatyna Prezıdent ákimshiligi basshysynyń orynbasary – Prezıdenttiń baspasóz hatshysy Rýslan Jeldibaı, Aqparat jáne qoǵamdyq damý mınıstri Darhan Qydyráli jáne «M.Narikbayev KazGUU university» AQ Basqarma tóraǵasy Talǵat Nárikbaev qatysty.
Buqaralyq aqparat quraldary úshin aqparattyń mazmuny men shynaıylyǵy, saýattylyǵy jáne jedeldigi jaýapkershilikti talap etedi. Sondyqtan qatysýshylar 2-3 naýryz kúnderi qoǵammen baılanys jumysyn uıymdastyrý úderisinde krızıstik kommýnıkasııanyń negizgi ádis-tásilderi men quzyrly mekemeniń áleýmettik jelilerdegi ımıdjin qalyptastyrý, úlestirý baǵdarlamasyn daıyndaýdy jáne júzege asyrýdy meńgeredi. Sondaı-aq ishki jáne syrtqy kommýnıkasııanyń negizgi elementteri men qoǵammen baılanys jumysyn tıimdi uıymdastyrý jáne basqarýdyń zamanaýı ádistemelerimen tanysady. Budan bólek memlekettik mekemelerdegi kommýnıkasııa qyzmetiniń uzaq merzimdi jumys strategııasyn uıymdastyrýdy úırenedi.
– Aqparat jáne qoǵamdyq damý mınıstrliginiń bastamasymen Qazaqstandyq qoǵamdyq damý ınstıtýty bazasynda «MediaLab» ortalyǵy ashyldy. Bul ortalyq maqsattarynyń biri – kommýnıkasııa salasy mamandarynyń biliktiligin arttyrý ekenin atap ótkim keledi. Semınar – «MediaLab» ortalyǵynyń alǵashqy jobasy. Medıa salasy – bizdiń qoǵamnyń kelbeti. Sizderdiń qyzmetterińiz memlekettiń bedelin, memlekettik qyzmetkerdiń ımıdjin qalyptastyrady. Sondyqtan el aldynda abyroımen júrý, kásibı, rýhanı turǵydan únemi kemeldenip otyrý bizdiń kún tártibimizden túspeıtin másele bolýy kerek. Baspasóz hatshysy keıde ákimdiktiń, mınıstrliktiń jumysyn atqarýy múmkin. Sondyqtan osy salanyń mamandaryna úlken jaýapkershilik júkteledi. Jalpy osy sala mandarynyń biliktiligin arttyryp otyrý qajet. Medıa jáne kommýnıkasııa mamandary speech writing-di meńgerýi kerek. О́ıtkeni bizdegi keıbir mamandar keıde ózderiniń ne oqyp turǵanyn bilmeıdi, tipti sózderi qurǵaq bolyp jatady. Osy rette belgili bir spıkermen sózdi aldyn ala josparlap alý mańyzdy. Mysaly keıbir kisilerdiń qurmalas sóılemderdi aıtýda qıyndyqtary bolýy múmkin. Tipti «galstýk taǵý, taqpaý» syndy qarapaıym dúnıelerge deıin baspasóz hatshylary jaýapty, – dedi Darhan Qydyráli.
Sondaı-aq osy jıynda birqatar medıa maman, atap aıtqanda Premer-mınıstrdiń fotografy Shúkir Shahaı, IIM ıdeologııalyq jáne ımıdjdik jumys departamentiniń basshysy, polısııa polkovnıgi Albına Mahambetova, Tótenshe jaǵdaılar mınıstrliginiń baspasóz hatshysy Rýslan Imanqulov «Aqparat salasynyń úzdigi» tósbelgisimen marapattaldy.
– Ýnıversıtetimizdiń negizgi mıssııasy – sapaly ári qoljetimdi bilim berý arqyly qoǵamǵa qyzmet etý. Memlekettik organdardyń da negizgi mıssııasy halyqqa qyzmet etý bolýy kerek. Biz óz kezegimizde ýnıversıtet tarapynan árqashan qoldaý kórsetýge daıynbyz. Qazir qoǵamda baspasóz hatshylaryna jáne kommýnıkasııa mamandaryna suranys bar ekenin baıqap otyrmyz. Sáıkesinshe, aldaǵy ýaqytta dál osy mamandarǵa arnaıy oqytý kýrsyn, ıaǵnı maınor ashý nıetimiz bar, – dedi óz sózinde «M.Narikbayev KazGUU university» AQ Basqarma tóraǵasy Talǵat Nárikbaev.
Alǵashqy kúni medıa jáne kommýnıkasııa mamandary spıchraıter Dana Saýdegerovanyń «Memlekettik organdar men qoǵamnyń baılanysy: quraldar men keıster», belgili redaktor Nazgúl Qojabektiń «Press-relız jáne habarlama tilin qazaqshalaý», Qazaqstannyń Ulybrıtanııadaǵy elshiliginiń eks-keńesshi ýákili Janbolat Úsenovtiń «Baspasóz hatshylarynyń qatelikteri. Sheteldik tájirıbe jáne krızıstik kommýnıkasııalar», «Maqsut Narikbayev KazGUU university» AQ jýrnalıstıka mamandyǵynyń oqytýshysy Alma Saılaýqyzynyń «Jazbasha PR-mátinder: aqparattyq túrtki túrleri. Press-relız jáne medıa-kıt», PR salasynyń sarapshysy Aqsulý Sanǵalıdiń «PR tıimdiligi neden bastalady: strategııa, qural, is-áreket» atty aktýaldy taqyryptar týrasynda bilikti mamandarmen tájirıbe almasty. Sondaı-aq bloger, áleýmettik jeliler jumystary boıynsha ekspert Iаkov Fedorovtyń «Áleýmettik jeliler arqyly qoǵammen tıimdi baılanys ornatý strategııasy» sheberlik saǵatynan ótti.
Jalpy, eki kúndik semınar barysynda mamandar speech writing jáne baspasóz relızin daıarlaý, áleýmettik jelilerde aqparatty usyný jáne jyldam jaýap berý, basshymen qarym-qatynasty, komandany, kommýnıkasııany basqarý, baspasóz strategııasyn qurý, krızıstik kommýnıkasııa jáne shıelenisterdi basqarý, medıamenedjment jáne emosıonaldy ıntellekt mashyqtaryn tolyq meńgerip shyǵady. Buǵan qosa arnaıy saıt ashyldy. Onda ádistemelik aqparattan bólek, baspasóz hatshylaryna usynylatyn kitaptar, fılmder, paıdaly kýrstar bar. Al jıynnyń ekinshi kúninde «Baspasóz qyzmeti: shıelenister men olardy sheshý joldary», «Qoǵammen baılanys ornatý strategııasy» taqyryptary talqylanady.