Oblystyq polısııa departamentiniń esirtki qylmysyna qarsy is-qımyl bólimshesiniń jedel qyzmetkerleri esirtki quraldaryn paıdalanýǵa arnalǵan prıtondy joıdy, dep habarlaıdy Egemen.kz polisia.kz-ke silteme jasap.
Qabyldanǵan sharalar nátıjesinde polıseıler zańsyz esirtki men zattardy birlesip paıdalaný úshin nashaqorlarǵa óz turǵyn úıin berdi degen kúdikke ilingen 37 jastaǵy Pavlodar qalasynyń turǵynyn anyqtady.
Tintý is-sharalary barysynda turǵyn úı-jaıda jedel qyzmetkerler shprısterdi, bos qutylardy, kúıe izderi bar ydystardy, sondaı-aq esirtkini paıdalaný úshin qoldanatyn ózge de zattardy taýyp, tárkiledi.
«Atalǵan derek QR QK-niń 297-baby 1-bóligi boıynsha tirkelip, sotqa deıingi tergeý júrgizilip jatyr. Kúdikti Pavlodar qalasy PB ÝUI-ǵa qamaýǵa alyndy», dep habarlady Pavlodar oblysy PD EQQKB bastyǵynyń mindetin atqarýshy Arsen Aıǵazın.