Qatar astanasy – Dohada sporttyq gımnastıkadan Álem kýboginiń ekinshi kezeńi óz máresine jetti.
Álemniń eń myqty sportshylary bas qosqan jarysta jerlesimiz Narıman Qurbanov at jattyǵýynda jeńimpaz atandy. 2022 jyly Azııa chempıonatynyń kúmis júldegeri, 2019 jyly Ýnıversıadanyń jeńimpazy bul synda óziniń The Kurbanov dep atalatyn elementin sátti oryndap, 15,400 upaımen altynnan alqa taqty. Ekinshi orynǵa byltyrǵy álem chempıony ırlandııalyq Rıs Mak Klenagan turaqtasa (15,033 upaı), úzdik úshtikti taıpeılik gımnast Shıao Iý-Iаn túıindedi. Osy baǵdarlamanyń fınalynda óner kórsetken taǵy bir jerlesimiz Ilııas Azızov 14.100 upaımen 6-satyǵa taban tiredi.
Narıman osydan bir apta buryn Germanııanyń Kotbýs qalasynda ótken Álem kýboginiń alǵashqy kezeńinde At baǵdarlamasynda 14,800 upaı jınap, qola medaldy moınyna ilgen bolatyn.