Baspanamen qamtý – qashanda ózekti másele. Jetisýda kezekte turǵan halyqtyń qarasy kóp. Máselen, irgedegi Eskeldi aýdanynda 1 300-den asa adam páterin kútip otyr. Jaqynda Qarabulaq aýylynda 60 páterlik kópqabatty úı paıdalanýǵa berilmek. Biraq bul máseleni tolyqtaı sheshe almasy anyq. Oblys ákimi Beıbit Isabaev óńir turǵyndarymen kezdeskende osy túıtkilge erekshe toqtaldy.
Oblys ortalyǵyna jaqyn Eskeldi aýdany únemi synnyń astynda qalyp keledi. Jaıylym jer máselesi de órship tur. О́ńir basshysy aýdan ákimine eskertý berdi. Árıne, eskertýmen másele sheshile qoısa, jaqsy ǵoı. Turǵyn úıdiń jaıy da kezekte turǵan halyqtyń shydamyn taýysty.
«Jyl saıyn kezekke turǵandar sany kóbeıedi. Sebebi jas otbasylar qatarǵa qosylady, jas mamandar aýyldarǵa tartylady, taǵy sol sııaqty sebepteri bar. Sondyqtan aýdan ortalyqtarynda jyl saıyn kem degende 60 páterlik bir úı salýymyz kerek. Oǵan qosa bıznestiń áleýmettik jaýapkershiligi boıynsha turǵyn úıge demeýshiler tartýǵa da den qoıyp jatyrmyz. Jalpy, turǵyn úı, aýyz sý, gaz tartý, jol jóndeý – bul máselelerdiń qaı-qaısysy bolsa da, aınalyp kelgende halyqtyń ómir súrý sapasyn jaqsartýǵa yqpal etýge tıis», deıdi B.Isabaev.
Oblys ákiminiń baspasóz qyzmetiniń málimetine súıensek, shilde aıynda 60 páterlik jalǵa beriletin turǵyn úı el ıgiligine berilmek. Buǵan qosa taǵy bir 60 páterlik úı qurylysyna qajetti qujattar daıyndalý ústinde.
Byltyr Eskeldi aýdanynda 10 eldi mekenniń jergilikti joly jóndelgen. Bıyl da osyndaı qarqyn saqtalady. Iаǵnı aýdandaǵy oblystyq mańyzdaǵy joldardy jóndeý men kútip ustaýǵa bıyl 300 mln teńge, al 17,3 shaqyrym aýdandyq jáne aýyl ishilik joldardy ortasha jóndeýge 759 mln teńgege jýyq qarjy bólingen. Sol sııaqty Baqtybaı aýylyna kireberistegi kópir kúrdeli jóndeýden ótkiziledi.
О́tken jyly Qarabulaq aýyly ortalyq aýyz sýmen qamtylsa, bıyl aýdandaǵy Aqtuma, Aldabergenov, Syrymbet, Aqeshki aýyldarynda sý júıelerin salý men qaıta jańartý jumystary júrgizilip jatyr.
Bul óńirge gaz tartý da – mańyzdy máselelerdiń qatarynda. Munda 21 eldi meken gazdandyrýǵa jatady. Ázirge Qarabulaq, О́rqýsaq, Ekpindi, Syrymbet aýyldaryndaǵy 14,4 myń adam kógildir otynǵa qosylýǵa múmkindik alǵan. Qazir taǵy 7 eldi mekenge gaz taratý jelileriniń qurylysy júrip jatyr. Jobanyń quny – 4,4 mlrd teńge. Qalǵan 3 aýyldy gazdandyrý boıynsha jobalaý mekemelerimen kelisimsharttar jasalyp jatyr.
Halyqpen kezdesýde óńir basshysy áleýmettik saladaǵy ister jaıyna jiti toqtaldy. Sonyń ishinde beıimdelgen mektepterdiń máselesin sheshý, materıaldyq-tehnıkalyq bazasyn jaqsartý, balalardyń qaýipsizdigin qamtamasyz etý baǵytyndaǵy jumystaryn tilge tıek etti.
Sondaı-aq densaýlyq saqtaý salasynda da atqarylǵan sharalardy atap ótti. Máselen, densaýlyq saqtaý salasynda 2022 jyly jergilikti bıýdjet esebinen 93,8 mln teńgege Qorjynbaı, Abaı jáne Terekti aýyldarynda modýldik konstrýksııalar bazasynda medısınalyq pýnktter ornatylǵan. Bıyl О́tenaı, Jeńdik, Bókterli aýyldarynda blok-modýldi medısınalyq pýnktter men Qarabulaq aýylynda jedel járdem stansasyn ornatý josparlanyp otyr. Sonymen qatar «Aýyl el besigi» baǵdarlamasy aıasynda Jetisý aýylyndaǵy dárigerlik ambýlatorııaǵa 124,7 mln teńgege kúrdeli jóndeý júrgiziledi. Bıyl aýdanǵa 2 sanıtarııalyq avtokólik satyp alynady.
Byltyr Kókjazyq, Jalǵyzaǵash jáne Qońyr aýyldarynyń turǵyndary jańadan mádenıet úıin salyp berý jóninde másele kótergen edi. Soǵan baılanysty osy jyly Qońyr aýylyna qanatqaqty joba retinde blokty-modýldi mádenıet úıi ornatylmaq. Oǵan bıýdjetten 158 mln teńge bólinip, konkýrstyq rásimder júrgizilip jatyr. Kelesi jyly osyndaı jobamen Kókjazyq, Jalǵyzaǵash aýyldarynda da mádenıet úılerin ornatý máselesi qarastyrylady.
Eskeldide aýyz sý máselesi de turǵyndardyń tıtyǵyna tıip bitti. Qazir Jańalyq, Jalǵyzaǵash jáne Aqtasty aýyldaryndaǵy sý qubyrlaryn qaıta jańǵyrtý jáne salý úshin jobalyq-smetalyq qujattamalar ázirlengen. Jańalyq aýylyndaǵy jerasty sýlaryn bekitýge konkýrs jarııalandy, Aqtasty jáne Jalǵyzaǵash aýyldary boıynsha joba saraptamadan ótip jatyr. Úsh aýyldyń sý júıeleriniń qurylysyna qajetti soma 2024 jyldyń respýblıkalyq bıýdjeti esebinen suralady.
Aıta keteıik, 2022-2023 jyldary Eskeldi aýdanyna ınfraqurylymdyq, áleýmettik nysandardy salýǵa jáne qaıta jańǵyrtýǵa bıýdjetten 7 mlrd teńgeden asa qarajat bólingen. Oblys basshysy aýdan ákimine bólingen qarajattyń ýaqtyly ıgerilýin jáne nysandardyń belgilengen merzimde qoldanysqa berilýin tapsyrdy.
Jetisý oblysy