Qurylys materıaldary óndirisiniń deńgeıi

Energyprom málimetinshe, elimizdegi qurylys materıaldary óndirisiniń kó­le­mi alǵash ret nomınaldy mánde trıl­lıon­dyq mejeden asyp tústi. Naqtyraq aı­­tar bolsaq, shyǵarylǵan jalpy ónim­niń baǵasy – 1,13 trln teńge boldy. 2021 jylmen salystyrǵanda 230,7 mlrd teńgege (nemese 25,6 paıyzǵa) artyq.

О́tken jyly keramı­ka­­lyq otqa tó­zim­di emes kirpish ón­dirisi – 64,3 pa­ıyzǵa, sılıkat jáne shlak kirpishteri – 18 paıyzǵa, se­ment, beton nemese tas plıt­kalar 16,9 paıyzǵa qys­­qarǵan. Al qu­rylys eri­tin­disi – 25,1 pa­ıyzǵa, árleý tasy – 7,8 paıyzǵa, gıps – 26,6 paıyzǵa jáne ártúrli otqa tózimdi qu­ry­lys bu­ıym­darynyń ón­dirisi 38 paıyzǵa art­qan.

2022 jyldyń qańtar-qara­shasynda ishki naryq­ta­ǵy otandyq óndiris úlesi 66 paıyz bolǵan dep baǵa­laı­dy QazIndustry ındýstrııa jáne eksport ortalyǵynyń sa­rap­shylary. Bul 2021 jyl­dyń uqsas kezeńimen sa­lys­tyrǵanda 8 paıyzdyq tar­maqqa (58 paıyz) jo­ǵa­ry. Uıym mamandary ekinshi jyl qatarynan ishki na­ryq­ta­ǵy otandyq ón­di­rý­shi­ler sal­­ma­ǵy­nyń artyp kele jat­­qanyn aıtady.

2022 jyly sheteldik jet­kizýshiler Qazaqstanǵa qu­ry­lys materıaldaryn jet­kizý kólemin aıtar­lyq­taı, natýraldy mánde 8 pa­ıyz­ǵa deıin qysqartqan. Aq­sha boıynsha ımport ke­zeń­di oń nátı­jemen (3,6 paıyz) aıaqtady. Biraq bul sek­tordaǵy qymbatshylyq sal­darynan boldy.

«Importty almastyrý úrdisin sala­da­ǵy resýrs tepe-teńdigi boıynsha da ba­qylaýǵa bolady. 2022 jyly qańtar-qarashada jeke óndi­ris úlesi artqan, al ımport qurylys materıal­da­rynyń birneshe túri boıynsha azaıǵan. Máselen, byltyr ishki naryqta satylǵan qu­rastyrmaly qurylys metall konstrýksııalarynyń 95,7 paıyzy – otandyq óndi­ristiń ónimi. Bir jyl ishin­de qazaqstandyq kompanııa úlesi 14,8 paıyz­dyq tarmaqqa artqan. Otqa tózimdi sementti, eri­tin­di­ler­di jáne uqsas qospa­lar­dy óndirý boıynsha res­pýb­lıka zaýyttarynyń úlesi 86,6 pa­ıyzdy (ótken kezeń­men salystyrǵanda 12,3 pa­ıyzdyq tarmaqqa kóbeı­gen) quraıdy. Degenmen keramıkalyq taqta óndirisi az kólemde: 2022 jyly jer­gi­­lik­ti óndiris úlesi nebári 13,5 paıyz boldy. Biraq sonyń ózi 2021 jylmen sa­lys­­tyrǵanda (6,1 paıyz) báribir jo­ǵa­ry», dep habar­laı­dy Energyprom mamandary.

Sarapshylardyń aı­týyn­­sha, naryq­ty shıki­zat qos­­pasymen, qo­syl­ǵan quny tómen ónim­­der­men qam­ta­ma­syz etýde qa­zaqs­tan­dyq óndirý­shi­ler­diń bási joǵary. Al sheteldik jetkizýshiler negi­zinen naryqqa santehnıka, túrli kran­dar men ventılder, jylytý radıator­la­ryn jetkizý boıynsha al­dyń­ǵy qa­tarda.

Qurylys materıal­da­ry­nyń qym­bat­taýy 2021 jyly maýsymda bas­­tal­dy. 2022 jyly azdap ar­zandaý baı­qal­dy, biraq son­sha­lyqty qatty emes. Qu­rylys materıaldarynyń qym­bat bolýy turǵyn úı baǵasyna da áserin tıgizdi. Bas­pananyń bir sharshy met­ri­ne jum­sa­la­tyn ortasha shyǵyn mólsheri byltyr 129,1 myńnan 148,7 myń teń­ge­ge artty.