ASTANA. 25 maýsym. Kólik jáne kommýnıkasııa mınıstri Jeńis Qasymbek «Batys Eýropa-Batys Qytaı» kólik dáliziniń elimizdegi ýchaskesi 2015 jyldyń sońyna deıin ashylady dep málimdedi. Bul týraly primeminister.kz habarlady.
Ortalyq kommýnıkasııalar qyzmetinde ótken brıfıngte Jeńis Qasymbek: «Bıyl 6 myń kılometr jol jóndeý kórdi. Árıne, sonyń ishinde «Batys Eýropa-Batys Qytaı» kólik dálizin erekshe atap ótý kerek. Jalpy uzyndyǵy 2452 kılometr bolatyn joldyń 1727 kılometri paıdalanýǵa berildi. Bıyl Shymkentten Reseı shekarasyna deıingi jáne tolyqtaı Jambyl oblysyna kiretin aımaqtaǵy jol paıdalanýǵa beriledi. Al keler jyly jobany tolyqtaı aıaqtaý josparlanǵan», – dedi.
Budan ózge, mınıstr 2013 jyldan bastap Almaty men Astanany jalǵaıtyn jańa avtokólik dálizin damytý jumystary júrgizilip jatqanyn, Astana-Temirtaý men Almaty-Qapshaǵaı ýchaskilerin qalpyna keltirý isi josparda turǵanyn jetkizdi.
Joldybaı Bazar.
Derekkóz: primeminister.kz.
Foto: aikyn.kz.