Sınoptıkter 10 naýryzǵa arnalǵan aýa raıy boljamyn usyndy, dep habarlaıdy Egemen.kz.
«Qazgıdromet» RMK aqparaty boıynsha, eldiń basym bóligi jaýyn-shashynsyz aýa raıy kútiletin antısıklonnyń yqpalynda bolady.
Sınoptıkter atap ótkendeı, jańbyr men qar túrindegi jaýyn-shashyn kútiletin atmosferalyq frontaldy bólimder eldiń batysy men soltústigi arqyly ǵana ótedi.
Mamandardyń boljamyna qaraǵanda, respýblıka boıynsha jel kúsheıedi, eldiń soltústik jartysynda boran, tuman, kóktaıǵaq bolady.
Astanada kún bultty, biraq jaýyn-shashynsyz ótedi. Ońtústikten soǵatyn jeldiń ekpini 2-7 m/s deıin jetedi. Aýa temperatýrasy túnde -11-13°S, kúndiz 0,+2°S bolady.
Almatyda da jaýyn-shashynsyz aýa raıy kútiledi. Túnde jáne tańerteń tuman túsedi. 0-5 m/s jel soǵady. Aýa temperatýrasy túnde +1 + 3°S, kúndiz + 14 + 16°S.
Shymkentte aýyspaly bulttylyq saqtalady. Ońtústik-shyǵystan jel soǵyp, ekpini 5-10 m/s jetedi. Aýa temperatýrasy túnde +7+9°S, kúndiz +23+25°S.