Naýyryzym qoryǵynda bıyl zorman erte oıandy. IýNESKO qorǵaýyndaǵy dalaly-ormandy alqapqa baı tabıǵı qoryqta sarshunaqtardyń úsh túri tirshilik etedi. Zorman sonyń ishindegi eń irisi.
Alty aı qys alańsyz uıyqtaǵan on shaqty kemirgishtiń 28 aqpanda inderinen shyǵyp bara jatqanyn qoryqtyń memlekettik ınspektory Qanathan Kárimov kórip qalypty.
Ádette zormandar ózge tuqymdastaryna qaraǵanda erte oıanady. Biraq belsendi tirshiligi uzaqqa barmaıdy, jylyna tórt-aq aı oıaý júredi.
– 2022 jyly Naýyryzym zormandary 7 naýryzda oıanǵan. Bıyl aqpannyń sońǵy on kúni jyly boldy. Sodan bolar, zorman da ininen erte shyqty, – deıdi qoryqtyń ǵylymı qyzmetkeri Rıshat Batrıakov.
Mamannyń aıtýynsha, bir aıdan soń zormandar kóbeıe bastaıdy. Jańa týǵan tyshqandary mamyrdyń aıaǵynda ózderine jeke in qazyp alady. Al uzaq uıqyǵa keter aldynda qysqa qoń jınap, ábden semiredi. Uıqyǵa ketetin mezgil jaqyndaǵanda bir zormannyń salmaǵy 1,6 kıloǵa deıin jetedi. Al kún ysyp, shóp qata bastaǵanda zorman da jazǵy uıqysyna jatady. Osylaısha, jazǵy uıqysynan oıanbastan, qysqy uıqyǵa ótip ketedi.
О́simdik qorekti dala zormandary kóbine jyrtqysh qustar men qasqyr, túlki sııaqty ańdarǵa jemtik bolady.
Qostanaı oblysy