15 naýryzda Úndistannyń bas shahary – Nıý-Delıde bokstan áıelder arasyndaǵy álem chempıonatynyń shymyldyǵy túrilip, jarys 31 naýryzǵa deıin jalǵasady. Kúni keshe dúbirli dodada baq synaıtyn el quramasynyń tizimi belgili boldy.
Úndistan sharshy alańynda ótetin álem birinshiliginde Qazaqstannyń burymdylary tolyq quramda (12 salmaq) óner kórsetedi. Olardyń qatarynda álem jáne Azııa chempıondary men júldegerleri, kóptegen halyqaralyq jarystyń jeńimpazdary bar. Sondaı-aq Nıý-Delıde byltyr Túrkııadaǵy álem birinshiliginde el qorjynyna kúmis júlde salǵan Alýa Balqybekova (48 kg) jáne qola medal ıegerleri Jaına Shekerbekova (52 kg), Karına Ibragımova (57 kg) jáne Valentına Halzova (70 kg) sharshy alańǵa shyǵady.
Shámil Safıýllın jattyqtyratyn ulttyq quramanyń tolyq tizimi mynadaı: Alýa Balqybekova (48 kg), Nazym Qyzaıbaı (50 kg), Jazıra Oraqbaeva (52 kg), Jaına Shekerbekova (54 kg), Karına Ibragımova (57 kg), Rıma Volosenko (60 kg), Aıda Ábikeeva (63 kg), Nadejda Rıabes (66 kg), Mádına Nurshaeva (70 kg), Valentına Halzova (75 kg), Farıza Sholtaı (81 kg) jáne Lázzat Kúngeıbaeva (+ 81 kg).