Kezdesý barysynda Memleket basshysyna ýnıversıtettiń akademııalyq, ǵylymı-zertteý, ınnovasııalyq qyzmetiniń nátıjeleri jáne oqý ornyn damytýdyń jańa baǵyttary men perspektıvalary baıandaldy, dep habarlaıdy Egemen.kz Aqordanyń baspasóz qyzmetine silteme jasap.
Janseıit Túımebaevtyń aıtýynsha, búginde ýnıversıtette 24 myńnan astam stýdent, sonyń ishinde álemniń 54 elinen 2,8 myń sheteldik azamat bilim alady. 542 bilim berý baǵdarlamasy júzege asyrylyp jatyr, ǵylymı ortalyqtar men ǵylymı jobalar sany artqan.
2022 jyly AQSh, Ulybrıtanııa, Japonııa, Fransııa, BAÁ jáne Túrkııanyń jetekshi ýnıversıtetterimen 30-dan astam kelisimshart jasalǵan. Ystanbul jáne Bishkek qalalarynda QazUÝ-dyń fılıaldary jumys isteıdi. Almatyda ýnıversıtet bazasynda MIFI (Máskeý) fılıaly ashyldy.
Qasym-Jomart Toqaevqa byltyr oqytýshy-professorlar quramynyń jalaqysy kóterilgeni týraly baıandaldy. Sonymen qatar oqý ǵımarattaryna, zerthanalarǵa, jataqhanalarǵa jóndeý jumystary júrgizilgen. Sot sheshimi boıynsha QazUÝ menshigine eki jer ýchaskesi qaıtaryldy.
Prezıdent ýnıversıtetti odan ári damytýdyń mańyzdylyǵyn atap ótti jáne joǵary oqý ornynyń halyqaralyq mártebesin nyǵaıtyp, ǵylymı-zertteý jumystaryn kúsheıtý qajet ekenine nazar aýdardy.