Batys Qazaqstan oblysynda sońǵy kúnderi kún kúrt jylynyp, erigen qar sýy eldi dúrliktirip jatyr. О́ńirdegi birneshe ózende sý deńgeıi kóterilip, arnasyna tolǵan. Oral qalasynda 8 úıge sý kirip, birneshe ǵımarattyń jertólesin káriz ben qar sýy basty.
Ahýal ásirese jumadan senbige qaraǵan túni kúrdeli boldy: Tasqala men Báıterek aýdandary aýmaǵyndaǵy birneshe ózen sýy kúrt kóterildi. Derkól ózeni Tasqala tusynda arnasynan 40 sm asyp, sý 557 sm-ge deıin kóterildi. Shejin-2 ózeninde de sý 799 sm kóterilip, qaýipti deńgeıden 20 sm asyp ketti. О́zen muzy erimeı, jerdiń tońy jibimeı, erigen sý saı-salamen jóńkilip jatyr. Tótenshelikter senbiniń keshinde eki ózende de sý deńgeıi túskenin habarlady. Tasqala aýylynda 1303 tekshe metr sý sorylyp, turǵyn úılerge tóngen qaýip seıilgen.
Eń qıyn jaǵdaı Oral qalasynyń ózinde boldy. Qala boıynsha 9 ǵımarattyń jertólesi sýǵa ketti. Olardyń ishinde medısınalyq kolledj jataqhanasy, «QazTransGaz» Aımaq mekemesi, Shańyraq jataqhanasy, №37 mektep, Nazarbaev zııatkerlik mektebi, Estetıkalyq baǵyttaǵy gımnazııa, Olımpıadalyq rezervtiń mamandandyrylǵan mektep-ınternat kolledji ǵımarattary bar. Bul ǵımarattardyń bárinde tótenshelikterdiń kúshimen sý sorylyp alynǵan, №49 mektepte ǵana sý sorý jumysy jalǵasyp jatyr. Zardap shegip, zaqym alǵan adam joq.
10-11 naýryz kúnderi Oral qalasynda sý berý ýaqytsha toqtatylyp, kúnine 3 márte keste boıynsha berile bastady. «Bul káriz kollektorlarynyń erigen qar sýymen tolyp ketýine jáne turǵyn alaptaryn sarqyndy jáne erigen sý basý qaýpine baılanysty jasalǵan ýaqytsha amal», deıdi Batys sý arnasy mekemesi. Jaǵdaı rettelgen soń, jaqyn kúnderi sý berý qalpyna keltirilmek.
Kóktemgi sý tasqynynyń aldyn alý boıynsha qurylǵan oblystyq komıssııa táýlik boıy rejimde qyzmet etýde. Sý tasqyny kezeńi bastalǵaly beri Oral qalasynda 26 myń tekshe metrge jýyq qar sýy sorylypty. Jalpy, bul jumystarǵa 136 tehnıka, 100-den astam adam jumylǵan. 2 000-ǵa jýyq qum toly qapshyq daıyn eken.
«Qala aýmaǵynda 86 ýchaskede sý basý qaýpi bar, onyń 75-i baý-baqsha seriktestiginde, ózen jaıylmalarynda ornalasqan. Ol jaqta 20 839 adam turaqty turyp jatyr. Qaýipti aýmaq turǵyndaryna sý basqan jaǵdaıda tıisti sharalardy qoldaný týraly 500-den astam jadynama taratyldy. Qajet kezinde halyqty ýaqytsha evakýasııalaý jáne ornalastyrý daıyndyǵy jasaldy», dep habarlady Tótenshe jaǵdaılar departamentiniń baspasóz qyzmeti.
Oral qalasy ákimdiginde kóktemgi sý tasqynyn aldyn alý úshin qalalyq shtab qurylǵan. Sý tasqyny kezeńi bastalǵaly qalalyq shtabqa qala turǵyndarynan 700-den asa ótinim túsken. Onyń jartysynan kóbi, ıaǵnı 380-nen astamy kóshege nemese aýlaǵa jınalǵan sý jóninde bolǵan.
Sý tasqynyna qarsy oblystyq jedel shtab 9 naýryzdan beri táýlik boıy jumys rejimine kóshken bolatyn. Mamandar Terekti, Tasqala jáne Báıterek aýdandary aýmaǵyn 11 naýryzdan bastap Mı-8 tikushaǵymen áýeden shola bastady. Qutqarýshylar ózenderde muz keptelisi bolmaýy úshin oıyqtar oıyp, muzdy kesýge kirisken. Sý júretin aryqtar, qubyrlar tazartylýda.
Aqjaıyq aýdanynda О́leńti ózeni kóterilip, 11 naýryzda jergilikti mańyzy bar «Kónekketken – Juban – Saıqudyq» avtojolyn sý jyryp ótti. Qazir ol jerdegi jaǵdaı tótenshelikterdiń baqylaýynda. Juban aýylyndaǵy sý basý qaýpi tóngen 7 turǵyn úı 250 qap qummen qorshalǵan.
Osyndaı jaǵdaı Shyńǵyrlaý aýdanyndaǵy «Shyńǵyrlaý – Aqshat – Segizsaı» avtojolynyń 108-109 shaqyrymynda da boldy. Jınalǵan sý jol ústinen asyp aqqanymen, qatynas toqtaǵan joq. Al Aqbulaq kentindegi Jeńis ózeninde sý deńgeıin baqylaý úshin arnaıy adam men tehnıka bekitildi. Qaıyńdy ózeni de baqylaýda. Aıta keteıik, byltyr bul shaǵyn ózender minez kórsetip, irgedegi aýyl turǵyndaryn ábigerge salǵan bolatyn.
Terekti aýdanyndaǵy Podstepnoe, Terekti, Aqjaıyq, Prırechnoe, Uzynkól, Bogdanovka, Ańqaty aýyldarynda da sý sorý, qaýipsiz jerge aıdaý jumysy júrgizilip jatyr.
Batys Qazaqstan oblysy