Teń múmkindik tegeýrini

Saıası naýqannyń barysyn Eýrazııalyq ıntegrasııa ınstıtýty «Ashyq saıasat» saraptamalyq klýbynyń sarapshylarymen birge Qazaqstan strategııalyq zertteýler ınstıtýty, Qazaq­standyq qoǵamdyq damý ınstıtýty, eldegi basqa da jetek­shi ǵylymı jáne taldaý or­ta­lyq­tarynyń ókilderi talqy­lap, pi­kir­lerin ortaǵa saldy.

Qazir eldegi saıası partııalar parlamenttik saılaýdyń sheshýshi kezeńine ótti. Sondaı-aq sarapshylar partııalardyń elektoraldyq kezeńdegi qyz­meti qazirgi zamanǵy saıa­sattaný jáne áleýmettaný zertteýleri úshin asa ózekti jáne perspektıvaly nysan ekenin aıtady. Osy sebepti partııa kandıdat­tary saraptamalyq dıa­log alańdarynda Qazaq­stan­nyń qo­ǵamdyq-saıası da­mýynyń ózek­­­ti máselelerin qozǵaýy mańyz­­dy. Otandyq sarapshylar sony­men qatar halyqaralyq jáne qazaqstandyq tájirıbeni qarastyra otyryp, 2022 jyly Memleket basshysy belgilegen saıası reformalar saıası par­tııalarynyń damýy úshin bu­ryn-sońdy bolmaǵan jaǵdaı týdyrǵanyn atap ótti. Máselen, Prezıdent Q.Toqaevtyń bastamasymen elde aralas saılaý júıesi engizildi, saıası partııalardy tirkeý rásimderi jeńildetildi, saılaý kedergisi tómendetildi. Bul partııalarǵa berilgen úlken múmkindik. Osylaısha, saıası partııalar saılaý naýqany barysynda daıyn saıası reformalardy júzege asyryp jatyr deýge bolady.

Buǵan qosa sarapshylar partııalar berilgen múmkindikterdi Parlamentke ótý jáne depý­tattyq mandattardyń barynsha kóp sanyn alý úshin ǵana emes, sondaı-aq baǵdarlamalyq ustanymdardy, azamattarmen jumys isteý jónindegi ádis­namalyq tásilderdi trans­for­masııalaý úshin de paıda­lanýǵa tıis ekenin basa aıtty. Bul – turǵyndardyń ómir súrý sapasyn jaqsartýdyń naqty saıası quraly.

Jalpy, sarapshylar bul saılaý nátıjesi Ádiletti Qa­zaqstannyń partııalyq júıe­siniń odan ári damýyna aıtar­lyqtaı áser etetindigin aıtady. Bul jańa, neǵurlym tıim­di partııalyq konfıgýrasııa­ny qalyptastyrýǵa jáne qo­ǵamdyq-saıası ınstıtýttardyń negizgi memlekettik sheshimder qabyldaýǵa áserin keńeıtýge kúshti serpin bolmaq.