Búgin Túrkııada úsh jer silkinisi tirkeldi, dep habarlaıdy Egemen.kz Anadoly agenttigine silteme jasap.
Túrkııanyń shyǵysyndaǵy Malatııa provınsııasynda 4,5 baldyq jer silkinisi boldy.
Bul týraly Túrkııa úkimeti janyndaǵy tótenshe jaǵdaılardyń aldyn alý jáne zardaptaryn joıý basqarmasynyń (AFAD) saıtynda habarlandy.
Jer asty dúmpýleri 05:13 kezinde 8 km tereńdikte tirkelgen.
Buǵan deıin saǵat 04:34-te magnıtýdasy 4,7 baldyq 10 km tereńdiktegi jer silkinisi tirkelgen.
Eki jaǵdaıda da jer silkinisiniń oshaǵy Pıýtýrge aýdanynda boldy.
Buǵan qosa Túrkııanyń ońtústigindegi Hataı provınsııasynda da magnıtýdasy 4,4 bolatyn jer silkinisi tirkeldi.
Túrkııa úkimeti janyndaǵy tótenshe jaǵdaılardyń aldyn alý jáne zardaptaryn joıý basqarmasynyń (AFAD) habarlaýynsha, jer silkinisiniń oshaǵy Hassa aımaǵynda bolǵan.
Eske sala ketsek, 6 aqpanda Túrkııanyń Kahramanmarash provınsııasynda magnıtýdasy 7 baldan asatyn eki jer silkinisi boldy. Jer silkinisi eldiń 10 provınsııasynda, sondaı-aq kórshiles memleketterde, sonyń ishinde Sırııada da sezildi.
Mamandar aımaqta jerasty dúmpýleri áli de jarty jyl boıy jalǵasady degen boljam jasady. Túrkııada kúshti jer silkinisi bolatynyn boljaǵan Nıderland zertteýshisi Frank Hýgerbıts naýryz aıynyń basynda jańa apattar bolýy múmkin ekenin eskertti.
7 naýryzda Túrkııanyń Hataı, Kahramanmarash jáne Kaıserı provınsııalarynda úsh jer silkinisi boldy.
Aqpan aıynda bolǵan jer silkinisteriniń Túrkııaǵa keltirgen shyǵyny 100 mlrd dollardan asýy múmkin.
Túrik polısııasy ǵımarattary jer silkinisine tózimdi bolýy tıis qurylys merdigerlerin tergeý aıasynda 269 kúdiktini ustady.
Sońǵy resmı derekterge sáıkes, tabıǵı apat 48 myńǵa jýyq adamnyń ómirin qıdy.