Jetisýdaǵy jaǵdaı turaqty

Kerbulaq aýdany, Qyzyljar aýylynda 4 aýlany sý basqan. Oqıǵa ornyna 19 qyzmetker men 6 tehnıka jumyldyryldy. Qazirgi ýaqytta aryq júıesi tereńdetilip, tazalanyp jatyr.

«Jetisý oblysy TJD-ǵa Ker­bulaq aýdany Saryózek – Kók­tal avto­jolynyń boıynda 9 km jerde ornalasqan sement ón­diretin «Alacem» zaýytynyń aýma­ǵyn sý basý týraly aqparat tús­ken joq. Alaı­da áleýmettik je­­li­lerdi monıto­rıngteý barysyn­da egistikterden mol qar erý sal­da­­rynan zaýyt aýma­ǵynyń eńis aǵy­­nymen sý bas­qany týraly vıdeo túsirilip, áleý­mettik je­li­­lerge jarııalanǵany anyq­tal­dy. Qyz­metkerlerdiń ju­myl­­dy­­ry­lýymen erigen qar sýyn bu­rý bo­ıynsha is-sharalar qabyldandy. Zar­­dap shekkender joq. Sondaı-aq zaýytqa da zalal kelgen joq», de­di de­par­tament basshysy Igor Jýkov.

Aıta keterligi, qurbandar men zardap shekkender joq. Alakól aýdanynyń Qabanbaı jáne Jaı­paq aýyldarynda da aýla aýmaǵyn sý basý saldarynyń aldy alyndy. Jergilikti jerlerde jeke quram­nyń 10 qyzmetkeri men 3 tehnıka jumyldyryldy. Qurbandar men zardap shekkender joq.

Al Eskeldi aýdanynda qar­dyń qarqyndy erýi men aryq júıe­siniń tazalanbaýynan Jalǵyzaǵash aýylynyń ma­ńyndaǵy jol bóligi sý astynda qaldy. Qutqarýshylar shuǵyl túrde oqıǵa ornyna baryp, kanal­dardy tereńdetý jáne tazalaý jumystaryn júrgizdi. Aıta keterligi erigen sý Bıǵash ózenine tranzıttik rejimde ótedi.

«Qazgıdromet» RMK daýyldy eskertýine sáıkes jańbyr tú­rindegi jaýyn-shashyn boljamyna, sondaı-aq ótken apta­daǵy temperatýra fonynyń jo­ǵa­rylaýyna baılanysty qar­dyń qarqyndy erýi kútilip otyr. Jeti­sý óńirinde erigen jáne eńis aǵy­nynyń qalyptasýy, muz quby­lystarynyń álsireýi jáne ózen­derdegi sý deńgeıiniń kó­te­ri­lýi, bul rette sýdyń tógilýi men sý basýy múmkin», deıdi I.Jý­­kov.

Jalpy, Jetisý óńirindegi sý tasqynynyń jaǵdaıy baqylaýda. Sý tasqynynyń aldyn alý úshin TJD qyzmetkerleri azamattardy kanal júıelerin tazartýǵa, aýla aýmaqtaryn tazalaýǵa kómektesýge shaqyrady.

Jetisý oblysy