Ult ustazy Ahmet Baıtursynuly: «Saılaý – ózińe berilgen erik, tańdaý» degen eken. Ata-babamyz amanattap ketken Otanymyzdyń jarqyn keleshegi men Ádiletti Qazaqstan qoǵamynyń baqýatty tirshiligi úshin aldaǵy saılaýda óz batyldyǵymyz ben belsendiligimizdi kórsetetin sát týyp tur.
Bul saıası doda bıylǵy jyldyń erekshe oqıǵalarynyń biri retinde tarıhta qalatynyna óz basym senimdimin. Júregi elim dep soqqan árbir azamat erteńimiz úshin tańdaý jasaýǵa asyǵyp, oǵan óz otbasyn, kórshi-qolańdaryn jumyldyryp, saılaý kúnin kádimgi meıramdaı etip jatsa, bir ǵanıbet. Búginde nebir asyl azamattarymyz, úkili úmitkerlerimiz halyq kóńilinen shyǵatyn baǵdarlamalaryn usynyp, aýyldarymyz ben qalalarymyzdyń damýyna serpin bolarlyq jón-jobalaryn jarııalady. Kóptiń kóńiline jaqqany alamanda aty ozsyn deımiz.
Barshamyz úshin el taǵdyryna aralasý, bolashaqqa ún qosýdyń oraıy kelip tur. Osy bir syn saǵatyn laıyqty jaýapkershilikpen atqaryp shyǵaıyq. Bizden keıingi urpaq gúldengen, qýatty memlekette ómir súrsin desek, belsendi bolaıyq. Aldaǵy jyldary halyqtyń únin Májilis pen máslıhattarda jetkizetin tulǵalardyń kim bolmaǵyn sheshetin saıası naýqan árbirimiz úshin mańyzdy.
Baltabaı SYZDYQOV,
Mádenıet qaıratkeri,
Baıanaýyl aýdanynyń
qurmetti azamaty