Batys Qazaqstan oblysy, Aqbulaq aýylynda erigen sý aǵyny qorǵanys bógetiniń bir bóligin buzyp, eldi mekenniń kóshelerin toltyrdy. Sý basqan úılerden 44 adam qaýipsiz jerge kóshirildi, dep habarlaıdy Egemen.kz.
Búgin Syrym aýdanyndaǵy О́leńti aýylynda sý basqan eki úıden alty adam qaýipsiz jerge kóshirildi. Mundaǵy basqa da turǵyn úılerdi sý basý qaýpi saqtalady.⠀13 naýryzda BQO Tótenshe jaǵdaılar departamentiniń basshysy Ernur О́tegenov saǵat 13:00-de BQO Bórli aýdany, Aqbulaq aýylynda (Aqsaı qalasynan 25 shaqyrym jerde) erigen sýdyń arnasynan asyp ketkenin habarlady.
Qazirgi ýaqytta Aqbulaq aýylyndaǵy Aqbulaq kóshesi men Jeltoqsandy sý basqan. Aldyn ala málimet boıynsha, 11 úıdi sý basyp, 44 adam qaýipsiz jerge kóshirildi.
Turǵyn úılerdi sý basqan jerde Tótenshe jaǵdaılar departamentiniń jeke quramynyń 40 adamy, bes tehnıka, úsh motopompa, jergilikti ákimdikterdiń qyzmetkerleri jumys istep jatyr. Bóget jarylǵan jerge 200 qum salynǵan qap tóselip, 10 tonna qum daıyndalǵan. ⠀Ernur О́tegenovtyń aıtýynsha, oblystaǵy taǵy bir eldi mekende sý basqan úılerden adamdardy kóshirý jumystary júrgizilgen.
Barlyq adamdar týystarynyń úıine ornalastyryldy. Jeke qosalqy sharýashylyqtaǵy mal – 12 bas iri qara, 30 usaq mal kórshi aýlalarǵa taratylady.⠀«О́leńti aýylyndaǵy úılerdegi erigen sý irgetastyń ústine kóterildi, qazirgi ýaqytta onyń azaıýy baıqalady. Eki úıdiń qabyrǵalary saman bolǵandyqtan jaǵdaı qıyndady», deıdi oblystyq tótenshe jaǵdaılar departamentiniń basshysy.⠀BQO ákiminiń orynbasary Erjan Baltaevtyń aıtýynsha, bul óńirde buryn 1979 jáne 1993 jyldary osyndaı tabıǵı apat bolǵan. Buǵan úsh faktor: kúzgi jaýyn-shashyn, topyraqtyń qatýy jáne qalyń qardyń erýi áser etedi.