Sınoptıkter 16-18 naýryzǵa arnalǵan aýa raıy boljamyn usyndy, dep habarlaıdy Egemen.kz.
Boljam boıynsha, respýblıkanyń batysynda, soltústik-batysynda jáne ońtústiginde atmosferalyq qysymnyń joǵarylaýyna baılanysty jaýyn-shashynsyz aýa raıy saqtalady. Ortalyqta, respýblıkanyń soltústiginde, shyǵysynda jáne ońtústik-shyǵysynda atmosferalyq frontaldy bólikterdiń áserinen jaýyn-shashyn, negizinen qar kútiledi.
16 naýryzda kúndiz ońtústikte, Almaty oblysynyń taýly aımaqtarynda, 17-18 naýryzda kúndiz respýblıkanyń shyǵysynda, ońtústik-shyǵysynda qatty jaýyn-shashyn kútiledi, sondaı-aq kóktaıǵaq, qar jaýyp, jel kúsheıedi. Onymen qosa tuman túsedi.
«Temperatýralyq fonǵa keletin bolsaq, munda aıtarlyqtaı ózgerister kútilmeıdi, tek respýblıkanyń ońtústik-shyǵysynda aýa temperatýrasynyń túnde 0-8 gradýs aıazǵa deıin, kúndiz 0-7 gradýsqa deıin birtindep tómendeýi kútiledi», delingen habarlamada.