Elordada Naýryz meıramyn toılaý aıasynda 100-den astam túrli formattaǵy is-shara ótkiziledi. Qala turǵyndary men qonaqtary konsertterge, merekelik baǵdarlamalarǵa, kórmelerge, qoıylymdarǵa, ulttyq sport túrleri boıynsha sport jarystaryna, merekelik is-sharalarǵa jáne t.b. qatysa alady, dep habarlaıdy Egemen.kz Astana ákimdiginiń resmı saıtyna silteme jasap.
15 naýryz kúni saǵat 12:00-de ortalyqtandyrylǵan kitaphana júıesi «Armysyń, áz – Naýryz» merekelik keshin, al 16 naýryz kúni saǵat 16:00-de «Nur sebele, Ulystyń uly kúni Naýryz!» is-sharasyn ótkizedi.
16-17 naýryz kúnderi qalanyń bilim berý uıymdarynda oqýshylarǵa arnap arnaıy taqyryptaǵy kórmeler, kitaphanalar men murajaılarda konferensııalar, sondaı-aq ardager ustazdarmen kezdesýler, teatrlandyrylǵan qoıylymdar, konkýrstar daıyndalady.
«О́rken» oqý ortalyǵynda «Naýryz toıy bastaldy» ulttyq oıyn túrlerinen týrnır ótedi.
16 naýryz kúni saǵat 19:00-de «Jastar» saraıy «Naýryz meıramy qutty bolsyn!», al 17 naýryz kúni keshki saǵat 19:30-da «Naýryz – dýman» merekelik baǵdarlamasy ótedi.
16-28 naýryz aralyǵynda saǵat 10.00-den 18.00-ge deıin Sáken Seıfýllın murajaıynda «Qosh keldiń – áz-Naýryz» atty merekelik kórme ótedi.
L.N. Gýmılev atyndaǵy EUÝ-da 17 naýryz kúni fakýltetter arasynda merekelik konsert pen dastarqan jaıý boıynsha konkýrs ótkiziledi.
Elordanyń Qýyrshaqtar teatrynda 17-31 naýryz aralyǵynda jas kórermender úshin «Naýryz – dýman» qýyrshaq shoýy uıymdastyrylady.
17 naýryzda E. Rahmadıev atyndaǵy Memlekettik akademııalyq fılarmonııada «Palıtra sozvýchıı» konsertine shaqyrady. Onda Kameralyq hor Gambýrg áıelder horymen (Germanııa) birlesip, arnaıy ázirlengen baǵdarlamany usynady.
20 naýryz kúni saǵat 19:00-de osy sahnada mádenıet salasyndaǵy «Naýryz ulttyq syılyǵy» is-sharasy ótip, ulttyq syılyǵy tabystalady. Sol kúni ál-Farabı atyndaǵy Oqýshylar saraıy «Qara jorǵa» bı fleshmobyn jáne «Naýryz – dýman» chellendj kúılerin daıyndap otyr.
21 naýryz kúni keshki saǵat 18:00-de Mýzykalyq jas kórermen teatry «Jazdyń sońy» premeralyq qoıylymyn usynady. Al 22 naýryzda dál osy sahnada «Abaı-Toǵjan» mýzykalyq dramasy, al 23 naýryzda – «Gaýhartas» mýzykalyq-dramalyq qoıylymynyń premerasy kórsetiledi.
21 naýryz kúni saǵat 19:00-de «Qazaqstan» OKZ-da «Ánim sen ediń» konserti ótedi. Sahnada elimizdiń jetekshi solısteri, jas ári talantty oryndaýshylar, zamanaýı estradanyń tanymal juldyzdary qazaqtyń belgili kompozıtory Shámshi Qaldaıaqovtyń ánderin oryndaıdy.
21-23 naýryz aralyǵynda EKSPO halyqaralyq kórme ortalyǵynyń aýmaǵynda «Naýryz bazary» Shyǵys jármeńkesi ótedi. Shyǵys jármeńke etnostıldegi kıimderdiń, zergerlik buıymdardyń, keramıka, metall, kıiz jáne jibekten jasalǵan zattardyń, kádesyılardyń jańa toptamalaryn usynady. Qala turǵyndary úshin elimizdiń ár óńirinen sharýa qojalyqtary men taýar óndirýshilerdiń jańa ónimderi eń tıimdi baǵada qoljetimdi bolady. Naǵyz gýrmandardy shyǵys taǵamdary festıvali kútedi. Jármeńke kún saıyn jumys isteıdi: 21 naýryz saǵat 13.00-den 18.00-ge deıin, 22 jáne 23 naýryz kúnderi saǵat 09.00-den 18.00-ge deıin.
21 naýryz kúni saǵat 13:00-de EKSPO aýmaǵyndaǵy Nur Alem sferasynyń janyndaǵy ashyq alańda «Naýryz meıramy» kóshpeli órkenıet festıvali ashylady. Ol sondaı-aq 22 jáne 23 naýryzda saǵat 11.00-den 18.00-ge deıin jumys isteıdi. Festıval aıasynda merekege oraı elorda turǵyndary arasynda ulttyq sport túrleri boıynsha jarystar ótedi.
Festıval elordanyń basqa aýdanynda uıymdastyrylady. Máselen, Qazaq eli monýmentiniń alańynda jáne qalalyq alańda 21 jáne 22 naýryzda saǵat 11:00-den 16:00-ge deıin, 23 naýryzda 11:00-den 14:00-ge deıin.
Aýqymdy is-sharalar eldi mekenderder de uıymdastyrylady
Almaty aýdany boıynsha:- «Temirjolshylar» eldi mekeni;- «Jeruıyq» saıabaǵy;- «Kúıshiler» alleıasy;- «Internasıonalnyı» eldi mekeni;- «Mıchýrıno» eldi mekeni.
Esil aýdany boıynsha:- «Úrker» eldi mekeni;- «Baıterek» monýmenti;- «Prıgorodnyı» eldi mekeni;- «Jaǵalaý» núlzary;- «Arnaý» turǵyn úı kesheni;- «Zelenyı kvartal» turǵyn úı kesheni;- «Nazarbaev-Ortalyǵy».
Saryarqa aýdany:- «Kóktal» saıabaǵy;- «Qorǵaljyn» saıabaǵy;- «Agroqalashyq» eldi mekeni.
Baıqońyr aýdany:- «Atatúrik» saıabaǵy;- «Jazýshylar» alleıasy;- «Kırpıchnyı» eldi mekeni;- «Kazgorodok» eldi mekeni;- «О́ndiris» eldi mekeni.