Teatrǵa saıahat

– Biz balalar men jas­óspirimder aýdıtorııa­symen árdaıym zor qul­shynyspen jumys is­teımiz. Olarǵa ushy-qıy­ry joq teatr óneri ále­min ashý – biz úshin úl­ken qýanysh, sebebi biz olardyń shynaıy qyzy­ǵýshylyǵyn kóremiz, balalar kóptegen suraq qoıa­dy. Bul óte zerek aýdıto­rııa. Olar ózderi úshin jańa bilimdi ıgerýge tez kirisip ketedi. Teatrda mun­daı saıahattar turaqty túrde ótkizilip turady. Sonda da oqýshylar demalys ýaqytyn paıdaly ári qyzyqty ótkizýi úshin ıntensıv blogyn uıym­­dastyrdyq, – deı­di «Astana Opera» teatry­nyń dırek­to­rynyń oryn­basary Aı­jan Qur­manǵalıeva.

Spektakl týraly dá­rister men «Teatr sa­baǵy» tárizdi qazaq jáne orys til­derinde ótetin teatr­lyq saıahat ta tany­mal. Bul – «Astana Ope­ra» júzege asyratyn taǵy bir mańyzdy jo­ba. Statıstıkalyq máli­metterge súıensek, 2022 jyly oǵan myńnan as­tam elordalyq oqýshy qa­tys­qan. Sonymen birge teatr­ǵa Aqmol, Shortandy kent­terinen, Bozaıǵyr, Qa­ra­ót­kel, Qorǵaljyn, Ji­bek joly aýyldarynan, Aq­kól qa­lasy men basqa da kóp­tegen óńirden bilim alýshylar keledi.

Aıta keteıik, bul jobalar balalardyń ǵana emes, eresekterdiń de nazaryn aýdartady. Jasy úlken azamattar áleýmettik je­lilerde belsendilik tanytyp, teatr ákimshiligine ere­sekterge arnalǵan teatr sabaqtaryn ótkizý jóninde usynys aıtqan. Osy rette dıreksııa áleýmettik jeli oqyrmandary kó­ter­gen bul bastamany qup aldy. О́tken aıda «As­tana Operanyń» ekskýr­sııa jetekshileri osy aýdı­torııaǵa arnap «Teatr sa­baq­taryn» ótkizdi. «Sa­baq» qatysýshylary ártis­terdiń daıyndyq zaldaryn, mýzeı men teatr sehtaryn kórdi.

Kópshilik «teatrdy spektaklden bólek qalaı kórýge bolady?» degen sa­ýaldy jıi qoıyp jatady. Ol úshin seısenbi men jeksenbi aralyǵynda kez kelgen kúni kassadan bılet alyp kelýge bolady (bılettiń quny eresekter úshin 2 myń teńgeni, balalar, stýdentter men zeınetkerler úshin 1 myń teńgeni quraıdy).

– Oqýshylar men stý­dentter úshin teatr aýqym­dy bilim be­rý qyz­­me­­tin atqaryp, jańa bi­lim­ge um­tylýǵa yn­ta­lan­­dy­ra­dy. Teatrlyq qoıy­lym­dardyń ǵajaıyp ále­mi jasóspirimderdiń shy­ǵar­mashylyqqa degen kóz­qarasyn ózgerte alady. Mine, sondyqtan tárbıe berý isinde olarǵa mán ber­­meýge bolmaıdy, – dedi Aı­­jan Qurmanǵalıeva.