Búginde elimiz jańa saıası kezeńniń aldynda tur. Bul baǵyttaǵy mańyzdy qadam Májilis depýtattarynyń kezekten tys saılaýy bolmaq. Depýtattyqqa kandıdattardy tirkeý kezeńi aıaqtaldy. Alǵash ret saılaýǵa Májilis depýtatynyń mandatyna úmitker jeti saıası partııa qatysyp otyr. Naǵyz saıası báseke qyza tústi.
Partııalardyń respýblıkalyq shtaby ashylyp, saılaýaldy úgit-nasıhat kezeńi óńirlerde jan-jaqty júrgizildi. Kandıdattar birtindep halyqty saılaýaldy baǵdarlamasymen tanystyryp jatyr. Búgingi qarqyndy damyp kele jatqan sıfrlyq ortada halyq pen saıası partııalar arasyndaǵy baılanys múmkindikteri buryn-sońdy bolmaǵan deńgeıde. О́ıtkeni saılaýaldy naýqan men kandıdattar týraly aqparat burynǵydan birneshe ese jyldam ári ońaı taralady.
Medıa keńistiktegi artyqshylyqtar da anyq sezilip otyr. Árıne, bul jerde saılaýshylarmen tikeleı aralasý, obektıvti derekter negizinde saılaý dodasynda jeńiske jetý múmkindigin taldaý, jastardy saıası úderisterge tartý (elektoraldyq belsendilikti arttyrý) múmkindigi ósti. Ashyq aqparattyq keńistiktegi kommýnıkasııa eń aldymen demokratııalyq qaǵıdalardy kórsetedi. Ortalyq saılaý komıssııasy ókiliniń málimdemesinen belgili bolǵandaı, aqparattyq keńistik pen saılaý aldyndaǵy is-sharalar arqyly úgit-nasıhat jumystaryn júrgizýmen qatar, úgit materıaldaryn shyǵarý da onlaın platformalar arqyly da júzege asyrylyp keledi.
Taǵy bir aıta keterlik jańalyq, endi árbir buqaralyq aqparat quralynyń bir ókili jáne telearnalardyń úsh ókil daýys berý kúni qyzmettik kýáligin kórsetip, saılaý ýchaskesine kirýge múmkindik aldy. Bul minsiz memlekettik saıasattyń ashyqtyq qaǵıdatyna negizdelgenin kórsetedi.
Aıjan MOLDAǴALIEVA,
Qazaqstan Strategııalyq zertteýler ınstıtýtynyń aǵa sarapshysy