Qostanaı oblysynda bıyl áleýmettik jobalar ómirge joldama alatyn bolady. ERG (Eurazian Resources Group) kompanııasynyń bas atqarýshy dırektory Benedıkt Sobotka men Qostanaı oblysynyń ákimi Nuraly Sádýaqasov oblys óńirinde 2014 jylǵy áleýmettik jobalardy júzege asyrý jónindegi memorandýmǵa qol qoıyldy. О́tken jyldyń aıaǵynda ENRC-di (Eurasian Natural Resources Corporation PLC) satyp alǵan ERG kompanııasy óz kásiporyndary ornalasqan óńirlermen kóp jyldyq áriptestik dástúrin jalǵastyryp otyr. Bıyl oblystyń damýyna salǵan toptyń qarjysy 850 mıllıon bolyp otyr. Memorandým aıasynda júzege asyrylatyn áleýmettik jáne mádenı jobalardy qarjylandyrý «ENRC Kómek» korporatıvtik qory men ERG-diń enshiles kompanııasy bolyp tabylatyn ENRC quramyndaǵy «Sokolov-Sarybaı ken óndiristik birlestigi» aksıonerlik qoǵamy arqyly júrgiziledi.
– Jeti jyldyń ishinde Qostanaı oblysy ákimdigimen 7 mıllıard teńgege memorandým jasaldy. Tek ótken jyldyń ózinde jumsalǵan qarajat 1 mıllıard teńgeden asty. Sonyń arqasynda oblysta jylý jelileri, sport kesheni, meshit boı túzedi. Densaýlyq saqtaý salasyna, mádenıetke, sportqa kómek berildi. Al endi jańa memorandým Elbasymyzdyń Joldaýynda aıtqan áleýmettik saıasatty júzege asyrýǵa jumsalady, – dedi «SSKО́B» aksıonerlik qoǵamynyń prezıdenti Muhamedjan Turdahýnov.
Sonymen, bıylǵy memorandým sheńberinde oblysta mańyzdy jobalar júzege aspaq. Monoqalalardy damytý baǵdarlamasy boıynsha Arqalyq qalasyn kórkeıtýge, oblystyń medısınalyq jáne bilim berý mekemelerine kómek kórsetiledi. Qyzyljar kentindegi Kırov mektebi jóndeledi. Novotroısk aýylynda mádenıet úıi qalpyna keltirilmek. Memorandýmǵa qol qoıý rásiminde sóılegen ERG kompanııasy dırektorlar keńesiniń tóraǵasy Aleksandr Mashkevıch toptyń qurylǵanyna 20 jyl, ken alyby Sokolov-Sarybaı ken óndirý birlestigine 60 jyl tolatynyn tilge tıek etti.
– Jıyrma jyl ishinde óńirlerdegi áleýmettik, mádenı jobalardy qoldaý kompanııanyń korporatıvtik saıasatynyń basym baǵyttarynyń biri boldy. ERG kompanııasy osy dástúrdi jalǵastyrýdy maqsat tutyp, Qazaqstan kompanııalary arasyndaǵy bıznestiń áleýmettik jaýapkershiligi jónindegi kóshbasshy ustanymyn kúsheıte túsedi. Biz óz adamdarymyzdyń ıgiligi úshin áleýmettik jobalarǵa kómek beremiz. Mysaly, Rýdnyı qalasyndaǵy perzenthanaǵa dárigerlerdiń ótinishimen medısınalyq zamanaýı qural-jabdyq alýǵa, turǵyndardyń ótinishimen jańa shirkeý salyp berýge kelisim berdik. Munyń barlyǵy da bıylǵy memorandýmnan tys júzege asady, – dedi Aleksandr Mashkevıch.
Oblys ákimi Nuraly Sádýaqasov jeti jyl ishinde bıznestiń áriptestigi arqasynda oblysta ózekti degen áleýmettik jobalardyń halyq ıgiliginen aınalǵanyn aıta kelip, memorandýmǵa qol qoıǵan top jetekshilerine alǵys sezimin bildirdi.
Názıra JÁRIMBETOVA,
«Egemen Qazaqstan».
QOSTANAI.