Soltústik Qazaqstan oblysynda tańǵy saǵat 7:00-de 631 saılaý ýchaskesi ashyldy. Daýys berýge oblystyń 384 myńnan astam turǵyny qatysa alady, dep habarlaıdy Egemen.kz.
Petropavl qalasy S.Muqanov atyndaǵy oblystyq ámbebap ǵylymı kitaphanasynda ornalasqan №586 ýchaskesinde 1284 saılaýshy tirkelgen.
«Alǵash ret saılaý ýchaskesinde bes adam daýys berdi. Eń qart saılaýshy 94 jasta. Jasyryn daýys berýge arnalǵan alty kabına jabdyqtaldy», dedi saılaý ýchaskesiniń tóraǵasy Galına Mıtrofanova.
G.Mıtrofanova ádette aǵa býyn ókilderi birinshi bolyp daýys beretinin aıtady. Ýchaskede 580 zeınetker tirkelgen.
Birinshi bolyp daýys berip, saılaýǵa alǵash ret qatysqandar sımvolıkalyq syılyqtarǵa ıe bolady.
Petropavlda barlyǵy 97 saılaý ýchaskesi bar.
Oblys boıynsha bir mandatty aýmaqtyq okrýgter boıynsha oblystyq máslıhattyń 15 aýdanynda – 53, qalanyń 18 aýdanynda – 53 jáne aýdandyq máslıhattyń 145 okrýginde – 450 kandıdat tirkeldi.